القالى جيىنعا حالىقارالىق تۇركى اكادەمياسىنىڭ پرەزيدەنتى دارحان قىدىرالى, «قازينفورم» حالىقارالىق اقپارات اگەنتىگىننىڭ باسقارما توراعاسى اسقار وماروۆ, «حابار اگەنتتىگى» اق باسقارما توراعاسى ءبىرىنشى ورىنباسارى رينات كەرتاەۆ, «ترت» تەلەارناسىنىڭ قازاقستان وكىلدىگىنىڭ ديرەكتورى مەحمەد چالىشكان, «قازاقستان» ۇلتتىق ارناسىنىڭ اقپاراتتىق-ساراپتامالىق باعدارمالار ديرەكتسياسى ديرەكتورى جالعاس سادىبەك ۇلى, «تۇركىستان» گازەتىنىڭ باس رەداكتورى قۋات اۋەسباي, قولدانبالى ەتنوساياسي زەرتتەۋلەر ينستيتۋتى ديرەكتورى تالعات قاليەۆ, «قازاقستان تاريحى» پورتالىنىڭ ديرەكتورى ارمان سۇلەيمەنوۆ, سونىمەن قاتار تۇركى الەمىنە تانىمال بىرقاتار باق وكىلدەرى مەن بەلگىلى جۋرناليستەر قاتىستى.
كەلەلى كەڭەس تۇرىندە وتكەن باسقوسۋدا ۇيىم باسشىسى دارحان قىدىرالى تۇركى اكادەمياسىنىڭ بيىل اتقارىلعان جۇمىستارى مەن باسىلعان عىلىمي ەڭبەكتەردى تانىستىرىپ, اكادەميانىڭ 10 جىلدا قول جەتكىزگەن جەتىستىكتەرى تۋرالى باياندادى.
سونىمەن قاتار, تۇركى اكادەمياسىنىڭ جۇمىستارىمەن كەڭىرەك تانىسقان قاتىسۋشىلار ۇيىمنىڭ الداعى جوسپارلارى تۋرالى پىكىر الماسىپ, كوكەيىندەگى سۇراقتارىنا جاۋاپ الدى.
شارا سوڭىندا بىراقاتار باق وكىلدەرى تۇركى دۇنيەسىنىڭ جەتىستىكتەرىن ناسيحاتتاۋعا جانە اقپارات سالاسىنداعى ىنتىماقتاستىق نىعايتۋعا قوسقان ۇلەسى ءۇشىن قۇرمەت گراموتاسى جانە العىس حاتپەن ماراپاتتالدى.
