كورسەتكىشتەردىڭ جوعارى ءوسۋ ترەندىن اتاپ ءوتىپ, مينيستر قۇرىلىس يندۋسترياسى مەن وڭدەۋ ونەركاسىبى سالاسىن اتاپ ءوتتى. سونداي-اق قىزمەت كورسەتۋ سەكتورىنداعى ىسكەرلىك بەلسەندىلىك جاقسارۋدا, ۇزاق مەرزىمدى تاۋارلارعا سۇرانىس قالپىنا كەلتىرىلۋدە.
«ناقتى سەكتوردىڭ ءوسۋى 2%-عا دەيىن جەدەلدەدى. قىزمەت كورسەتۋ سالاسىنىڭ ءوسۋ قارقىنى مينۋس 5,9%-عا دەيىن جاقساردى. سونىڭ ناتيجەسىندە, جالپى ىشكى ءونىمنىڭ ءوسۋى مينۋس 2,8% دەڭگەيىندە قالىپتاستى. جىلدىق ينفلياتسيا 7,3%-دى قۇرادى», — دەدى ر. دالەنوۆ.
سەرپىننىڭ جاقسارۋىنىڭ بازالىق فاكتورلارى – ءوندىرۋشى ەمەس سەكتورلارعا تارتىلعان ينۆەستيتسيالار, ەكونوميكانى كرەديتتەۋ, ناقتى سەكتوردىڭ ءوسۋى جانە قىزمەتتەر سالاسىنىڭ جاندانۋى, سونداي-اق ەكونوميكانى قولداۋ بويىنشا ىسكە اسىرىلىپ جاتقان شارالار. تاۋ-كەن ءوندىرىسى ونەركاسىبىن ەسەپكە الماعاندا, ينۆەستيتسيالار 17,3%-عا ءوستى.
سونداي-اق مينيستر ينۆەستيتسيالاردىڭ ەلەۋلى كولەمى تۇرعىن ءۇي قۇرىلىسىنا, كولىك, وڭدەۋ ونەركاسىبى, ونىڭ ىشىندە ازىق-ت ۇلىك ونىمدەرى, اۋىل شارۋاشىلىعى سالالارىنا تارتىلعانىن اتاپ ءوتتى. ەكونوميكانى كرەديتتەۋ جىل باسىمەن سالىستىرعاندا 4,2%-عا ۇلعايدى. كرەديتتەردىڭ ەڭ جوعارى ءوسۋى بايلانىستا, قۇرىلىستا, اۋىل شارۋاشىلىعىندا جانە ونەركاسىپتە بايقالادى.
«شاعىن كاسىپكەرلىك سۋبەكتىلەرىن كرەديتتەۋ 8,9%-عا ۇلعايدى, بۇل تۇتىنۋشىلىق كرەديتتەردىڭ جانە جالپى ەكونوميكانى كرەديتتەۋدىڭ وسۋىنەن جوعارى», — دەدى ر. دالەنوۆ.
ءمينيستردىڭ ايتۋىنشا, ەسەپتى كەزەڭدە ەكونوميكانى قولداۋ شارالارى بەلسەندى جۇزەگە اسىرىلدى. جۇمىس ورىندارىن ساقتاۋ جانە قۇرۋ ءۇشىن جۇمىسپەن قامتۋدىڭ جول كارتاسى ىسكە اسىرىلۋدا. زارداپ شەككەن سالالار ءۇشىن سالىقتىق ىنتالاندىرۋ شارالارى قابىلداندى, كرەديتتەر بويىنشا تولەۋدى كەيىنگە قالدىرۋ ۇسىنىلدى, شاعىن جانە ورتا بيزنەستى جەڭىلدىكپەن كرەديتتەۋ قۇرالدارى ەداۋىر كەڭەيتىلدى, كرەديتتەردى جەڭىلدىكتى شارتتارمەن قايتا قارجىلاندىرۋ ۇسىنىلۋدا.
سونداي-اق, ەكونوميكالىق ءوسۋدى قالپىنا كەلتىرۋ جونىندەگى كەشەندى جوسپار شەڭبەرىندە سالالىق قولداۋ شارالارى ىسكە اسىرىلۋدا.
«قاراشادا حالىقارالىق ۆاليۋتا قورىنىڭ ميسسياسى پاندەمياعا قارسى ارەكەت ەتۋ شارالارىن جوعارى باعالادى جانە ورنىقتى ءوسۋدى قامتاماسىز ەتۋ بويىنشا باستامالاردى قولدايدى. وڭدەۋ ونەركاسىبى سالالارىندا سەرپىندى ءوسۋ ساقتالۋدا. فارماتسەۆتيكا – 39,5%, جەڭىل ونەركاسىپ – 15,5%, ماشينا جاساۋ – 16,4%, ونىڭ ىشىندە اۆتوموبيل جاساۋ – 52,6% دەڭگەيىندە جوعارى ءوسۋ قارقىنىن كورسەتىپ وتىر», — دەدى ر. دالەنوۆ.
قاراشانىڭ كورسەتكىشتەرى قىزمەت كورسەتۋ سەكتورىنىڭ جاندانعانىن كورسەتتى. اتاپ ايتقاندا, ءمينيستردىڭ ايتۋىنشا, ساۋدا 17,1%-عا, ونەر, ويىن-ساۋىق جانە دەمالىس – 17%-عا, تەحنيكالىق قىزمەت – 15,9%-عا, تۇرۋ جانە تاماقتانۋ بويىنشا قىزمەتتەر – 10,5%-عا, ءبىلىم بەرۋ – 7,6%-عا, بايلانىس – 4,5%-عا, تەحنيكا مەن بۇيىمداردى جوندەۋ – 3,5%-عا ۇلعايدى. وسىلايشا, قىزمەت كورسەتۋ سالاسىنىڭ قالپىنا كەلۋى جالعاسۋدا. 10 ايدا سىرتقى ساۋدا اينالىمى $70,5 ملرد قۇرادى. ەكسپورت $39,2 ملرد, يمپورت – $31,3 ملرد قۇرادى. وسىلايشا, $7,9 ملرد دەڭگەيىندە ساۋدا تەڭگەرىمىنىڭ وڭ سالدوسى ساقتالدى.
«وڭدەۋ ونەركاسىبىندە 3,3% دەڭگەيىندە ءوسىم ساقتالۋدا. بۇل رەتتە, تاۋ-كەن ءوندىرىسى ونەركاسىبى 3,4%-عا تومەندەدى. سونىڭ ناتيجەسىندە, ونەركاسىپتىڭ ناقتى كولەم يندەكسى 99,2%-دى قۇرادى», — دەدى ر. دالەنوۆ.
وڭىرلەر بولىنىسىندە وڭدەۋ ونەركاسىبى سالاسىندا ەڭ جوعارى ءوسىم قوستاناي, سولتۇستىك قازاقستان جانە اقمولا وبلىستارىندا بايقالادى. تومەندەۋ 5 وڭىردە بايقالادى. بۇل باتىس قازاقستان, قىزىلوردا, شىعىس قازاقستان جانە اتىراۋ وبلىستارى, سونداي-اق شىمكەنت قالاسى. نەگىزگى كاپيتالعا 10,6 ترلن تەڭگە سوماسىندا ينۆەستيتسيالار تارتىلدى. 13 وڭىردە ينۆەستيتسيالاردىڭ وسكەنى بايقالدى. ونىڭ ىشىندە ەڭ جوعارى كورسەتكىشتەر تۇركىستان وبلىسىندا جانە شىمكەنت قالاسىندا بايقالىپ وتىر. 4 وڭىردە تومەندەۋ تىركەلدى. ولار — باتىس قازاقستان, قىزىلوردا, اتىراۋ جانە قاراعاندى وبلىستارى. كەن ءوندىرۋ ونەركاسىبىن ەسەپكە الماعاندا, ينۆەستيتسيالار وسۋدە. ولاردىڭ ءوسۋى 17,3%-دى قۇرادى.
ءمينيستردىڭ ايتۋىنشا, قۇرىلىس سەكتورى وتە جوعارى ءوسىمدى كورسەتىپ وتىر. ورىندالعان جۇمىستاردىڭ كولەمى 12,1%-عا ءوستى. بەلسەندى قۇرىلىس جۇمىستارى تۇركىستان جانە جامبىل وبلىستارىندا, سونداي-اق شىمكەنت قالاسىندا بايقالادى.
«12,1 ملن شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 9,3%-عا جوعارى», — دەدى ر. دالەنوۆ.
وڭىرلەردە 7 ەكونوميكالىق كورسەتكىش بويىنشا جالپى جاعداي كەلەسىدەي. 5 كورسەتكىش بويىنشا 11 وڭىردە ءوسىم بايقالادى. ولار اقمولا, اقتوبە, الماتى, جامبىل, قوستاناي, ماڭعىستاۋ, پاۆلودار, سولتۇستىك قازاقستان جانە تۇركىستان وبلىستارى, سونداي-اق نۇر-سۇلتان جانە شىمكەنت قالالارى.
«ساۋدا بويىنشا جاعداي جاقسارىپ كەلە جاتقانىن اتاپ وتكىم كەلەدى. وڭ ايماققا 2 ءوڭىر شىقتى. ولار نۇر-سۇلتان جانە شىمكەنت قالالارى», — دەدى ر. دالەنوۆ.
سونداي-اق 3 وڭىردە 4 كورسەتكىش بويىنشا ءوسىم تىركەلدى. بۇل ورتاشا دەڭگەي. 3 وڭىردە 1-2 كورسەتكىش بويىنشا عانا ءوسىم بايقالادى. ولار قىزىلوردا, باتىس قازاقستان جانە اتىراۋ وبلىستارى. ءوز ءسوزىن قورىتىندىلاي كەلە, ر. دالەنوۆ ىسكەرلىك بەلسەندىلىكتى قالپىنا كەلتىرۋ بويىنشا قابىلدانىپ جاتقان شارالاردى ەسكەرە وتىرىپ, ورتالىق جانە جەرگىلىكتى اتقارۋشى ورگاندار كەلەسى اسپەكتىلەرگە نازار اۋدارۋى قاجەت ەكەنىن اتاپ ءوتتى:
وڭىرلىك تۇراقتاندىرۋ قورلارىن پايدالانۋ ارقىلى الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ماۋسىمدىق وسۋىنە جول بەرمەۋ.
وڭدەۋ ونەركاسىبى مەن قۇرىلىستا قول جەتكىزىلگەن ءوسۋ قارقىنىن تومەندەتپەۋ.
جەرگىلىكتى اتقارۋشى ورگانداردىڭ ينۆەستيتسيالىق جوبالار پۋلىن ساپالى ىسكە اسىرۋ.
داعدارىسقا قارسى شارالار بويىنشا قاراجاتتىڭ ءتيىمدى يگەرىلۋىن جانە جىل قورىتىندىسى بويىنشا ءوسۋدىڭ نىسانالى ينديكاتورلارىنا قول جەتكىزۋدى قامتاماسىز ەتۋ.
جۇمىسپەن قامتۋدىڭ جول كارتاسى شەڭبەرىندە تۇراقتى جۇمىس ورىندارىنىڭ ۇلەسىن ۇلعايتۋ.
قارجى جىلىن تولىققاندى اياقتاۋ جانە ەكونوميكاعا قاراجاتتى جىلدام ەنگىزۋ ءۇشىن كەلەسى جىلعا ارنالعان راسىمدەردى دايىنداۋ.
