ەيس جاساۋ ەكىنىڭ ءبىرىنىڭ قولىنان كەلە بەرمەيتىنىن جانكۇيەرلەر جاقسى بىلەدى. ءبىر قۋانىشتىسى, بۇگىنگى تاڭدا WTA تىزىمىندە 17 ورىندا تۇرعان 21 جاستاعى جەرلەسىمىزگە تەڭ كەلەر ەشكىم جوق. بيىلعى ماۋسىمدا ەلەنا رىباكينا 193 ەيستىڭ اۆتورى اتانىپ وتىر. ودان كەيىنگى ساتىلارعا امەريكالىق سەرەنا ۋيليامس (178), بەلارۋسسيالىق ارينا سوبولەنكو (165), يسپانيالىق گاربينە مۋگۋرۋسا (160), اقش-تىڭ تاعى ءبىر وكىلى دجەننيفەر برەدي (149), گرەكيالىق ماريا ساككاري (144), بەلگيالىق ەليزا مەرتەنس (144), جاپونيالىق ناومي وساكا (141), چەحيالىق كارولينا پليشكوۆا (137) جانە تۋنيستىك ونس جابەر (126) سىندى سۇلۋلار جايعاستى.
ەستەرىڭىزگە سالا كەتەيىك, ەلەنا رىباكينا 1999 جىلدىڭ جازىندا ماسكەۋدە تۋىپ-ءوستى. 2018 جىلى قازاقستاننىڭ ازاماتتىعىن العان ول سول كەزدەن بەرى ءبىزدىڭ ەلدىڭ تۋى استىندا.
