وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, وقىس وقيعا بۇگىن تۇنگى ساعات 01:00 شاماسىندا جىلىوي اۋدانىنداعى مايكومگەن اۋىلىنىڭ ماڭىندا بولعان. پوليتسيا قىزمەتكەرلەرىنىڭ توقتاۋ تۋرالى زاڭدى تالابىنا "ۋاز 390945-441" كولىگىنىڭ جۇرگىزۋشىسى باعىنباي, قاشا جونەلگەن.
"پوليتسەيلەردەن قاشقان كولىكتەگى جولاۋشىلارىنىڭ ءبىرى وق اتقان. ءتارتىپ ساقشىلارى تابەلدىك قارۋدان الدىمەن اسپانعا, سودان كەيىن دوڭگەلەكتەرگە ءبىر رەت ەسكەرتۋ رەتىندە وق اتقاننان كەيىن "ۋاز" توقتاتىلدى. ناتيجەسىندە وقيعا ورنىندا ماڭعىستاۋ وبلىسى, بورانقۇل اۋىلىنىڭ 1995 جىلى تۋعان تۇرعىنى كۇدىكتى رەتىندە ۇستالدى. ودان 16 كاليبرلى "يج" ماركالى تىركەلمەگەن اڭشى مىلتىعى تاركىلەندى", دەدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
قازىر ۇستالعان ازامات تەرگەۋ يزولياتورىنا قاماۋعا الىندى.
