ەلوردالىق دوستىق ءۇيى نۇر-سۇلتان قالاسىنداعى قازاقستان حالقى اسسامبلەياسىنىڭ بەت-بەينەسى ىسپەتتەس. مۇندا حالىقارالىق جانە رەسپۋبليكالىق دەڭگەيدەگى ءىس-شارالار وتكىزىلەدى. 2020 جىلى 17 565 ادامنىڭ قاتىسۋىمەن 127 ءىس-شارا وتسە, ونىڭ ىشىندە 75-ءى ونلاين رەجيمدە بولدى. دوستىق ۇيىندە 22 ەتنومادەني بىرلەستىك جۇمىس ىستەيدى. اسسامبلەيا قۇرىلىمىندا 12 ەتنولينگۆيستيكالىق كەشەن, 6 قوعامدىق كەلىسىم كەڭەسى, مەدياتسيا كابينەتى, عىلىمي-ساراپتامالىق توپ, انالار كەڭەسى, شىعارماشىلىق 80 ۇجىم, "جاڭعىرۋ جولى" رجق قالالىق شتابى, اقساقالدار كەڭەسى, "پاراسات" قايىرىمدىلىق قىزمەتىن ۇيلەستىرۋ ورتالىعى, "انالار اماناتى" قولونەر شىعارماشىلىق ورتالىعى, "مامىلە" سيتۋاتسيالىق قازاق ءتىلىن ۇيرەتەتىن پىكىرسايىس كلۋبى, "جىر ورتالىعى" بار.
11 ەمب جانىنان جاستار قاناتى قۇرىلىپ, "جاڭعىرۋ جولى" رەسپۋبليكالىق جاستار قوزعالىسىنىڭ قالالىق شتابى جۇمىس ىستەيدى.
"ەتنومادەني بىرلەستىكتەردىڭ مۇشەسى بولعىسى كەلەتىندەر دوستىق ۇيىنە, ب.مومىش ۇلى 24/9 مەكەنجايىنا جۇگىنۋگە بولادى", - دەپ اتاپ ءوتتى ەلوردالىق قحا وكىلدەرى.
2020 جىلى كارانتين جاعدايىندا قالالىق اسسامبلەيا ونلاين رەجيمدە جۇمىس ىستەدى. بيىل 119 قايىرىمدىلىق ءىس-شاراسى وتكىزىلدى. اتاپ ايتساق, تۇركىستان وبلىسىنىڭ ماقتاارال اۋدانىندا زارداپ شەككەندەرگە كومەك كورسەتۋى, قحا-نىڭ تج, كارانتين رەجيمى كەزىندە بەلسەنە اتسالىسۋى. "30 يگى ءىس "اكتسياسى اياسىندا جۇمىس ءالى دە جالعاساتىن بولادى.
قحا-نىڭ 25 جىلدىعى قارساڭىندا قازاقستان حالقى اسسامبلەياسىنىڭ ەرەن ەڭبەگى ءۇشىن, اسسامبلەيالىقتارعا "قازاقستان حالقى اسسامبلەياسىنا 25 جىل" مەرەيتويلىق مەدالدارى تابىستالدى.
