ايماقتار • 02 جەلتوقسان، 2020

قاراعاندىدا كونكيدىڭ قىزىعى باستالدى

10 رەت كورسەتىلدى

كەنشىلەر استاناسىنداعى «شاحتەر» ستاديونىنىڭ جانىندا  جەلتوقساننىڭ 1-جۇلدىزىنان باستاپ  مۇز ايدىنى جۇمىس ىستەي باستادى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

اشىق اسپان استىنداعى سىراناقتا تۇرعىندار ءوز كونكيىمەن كەلىپ نەمەسە ولاردى جالعا الىپ، تەبە الادى.

كارانتيندىك تالاپتار قاتاڭ ساقتالاتىن اشىق مۇز ايدىنى جۇما كۇندەرى ساعات 17.00-دەن 22.00-گە دەيىن، سەنبى جانە جەكسەنبى كۇندەرى ساعات 12.00-دەن 22.00-گە دەيىن جۇمىس ىستەيدى. ال مەرەكە كۇندەرى جانە وقۋشىلاردىڭ كانيكۋلى كەزىندە مۇز ايدىنى ساعات 12.00-دەن 22.00-گە دەيىن اشىق بولادى.

بۇل جەردەگى باعا دا قولجەتىمدى: بيلەت قۇنى 300 تەڭگە تۇرادى. كونكيدى جالعا الاتىن بولساڭىز، 500 تەڭگە تولەيسىز. ال ءوزىنىڭ كونكيىمەن كەلگەن ازاماتتار تەك كىرۋ ءۇشىن عانا اقى تولەيدى. بۇدان بولەك، «شاحتەر» ستاديونىنىڭ اۋماعىندا اۆتوكولىكتى تۇراققا قويۋ ءۇشىن 100 تەڭگە تولەۋ قاجەت.

سالاماتتى ءومىر سالتىن سەرىك ەتكەن تۇرعىندار ءۇشىن كونكيدى جالعا بەرۋ دالادا ۇيىمداستىرىلادى. سونداي-اق ستاديون اۋماعىندا سىرعاناۋشىلار ءۇشىن كوفە-اپپاراتتار ورناتىلعان.

 

 

 

قاراعاندى وبلىسى

سوڭعى جاڭالىقتار

كوكەيدەگىنى ءدوپ باسقان

پىكىر • بۇگىن، 07:26

سقو «قىزىل ايماققا» ەندى

ايماقتار • كەشە

ۇقساس جاڭالىقتار