ءبىلىم • 02 جەلتوقسان، 2020

جوو-داعى قاتاڭ ەسەپتىلىك نىساندارىنان 11 قۇجات الىنىپ تاستالدى

33 رەت كورسەتىلدى

بۇگىن ءبىلىم جانە عىلىم ءمينيسترى اسحات ايماعامبەتوۆ ۆەدومستۆونىڭ اپپاراتتىق وتىرىسىندا مينيسترلىكتىڭ بىرقاتار بۇيرىعىنا وزگەرىستەر ەنگىزىلگەنىن جانە وقىتۋشىلار تولتىراتىن قۇجاتتار كولەمىنىڭ ايتارلىقتاي قىسقارعانىن ءمالىم ەتتى، دەپ حابارلايدى Egemen.kz

"تەك قانا سوڭعى وزگەرتكەن ءبىر بۇيرىقتىڭ نەگىزىندە مىسال كەلتىرەيىن. قاتاڭ ەسەپتىلىك نىساندارىنان 11 قۇجات الىنىپ تاستالدى. ولاردىڭ اراسىندا وقۋ ۋاقىتىن اي سايىنعى جانە جىلدىق ەسەپكە الۋ ۆەدوموستارى، ءبىلىم الۋشىلاردى ارالىق جانە قورىتىندى اتتەستاتتاۋعا ارنالعان بىرنەشە ەمتيحان ۆەدوموستارى، قورىتىندى اتتەستاتتاۋدى وتكىزۋ جونىندەگى كوميسسيا وتىرىستارىنىڭ ءارتۇرلى حاتتامالارى جانە تاعى باسقاسى بار. مىسالى، ءبىر عانا كافەدرانىڭ جۇمىس جوسپارىن جاساۋ ءۇشىن 21 تارماقتان قۇرالعان قۇجاتتى تولتىرۋ قاجەت، ال ول كوپ ۋاقىتتى قاجەت ەتەدى. ونىڭ ءبارى مىندەتتى قۇجاتتاردىڭ تىزىمىنەن قىسقارتىلدى"، دەيدى اسحات ايماعامبەتوۆ.

دەگەنمەن، ۆەدومستۆو باسشىسى كەيبىر ۋنيۆەرسيتەتتەر بۇرىنعى ادەتىنە سالىپ، ەسكى تالاپتاردان باس تارتا الماي كەلە جاتقانىن تىلگە تيەك ەتتى.

"قۇرمەتتى وقىتۋشىلار، الداعى ۋاقىتتا باسشىلىق سول قۇجاتتاردى تالاپ ەتسە، قر بعم-ءنىڭ بۇيرىقتارىنا سۇيەنۋگە بولادى. جالپى بارلىق قۇجاتتار تسيفرلى فورماتتا جۇرگىزىلۋى قاجەت. ءبىز پاندەميا كەزىندە ستۋدەنتتەر ديپلومدىق جۇمىستارىن نەمەسە ديسسەرتاتسيالارىن قاشىقتان قورعاي الۋى ءۇشىن "كوك" ءمور، رەتسەنزەنتتەر مەن مەنەدجەرلەردىڭ قولتاڭبالارىن جيناۋ جانە ت.ب. تالاپتاردى الىپ تاستادىق"، دەيدى ءبىلىم جانە عىلىم ءمينيسترى.

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار