قوعام • 27 قاراشا، 2020

"ايبىن-2020" اسكەري-پاتريوتتىق جيىنى اياقتالدى

21 رەت كورسەتىلدى

نۇر-سۇلتاندا تۇڭعىش پرەزيدەنت كۇنى قارساڭىندا «ايبىن-2020» VI رەسپۋبليكالىق اسكەري-پاتريوتتىق جاستار جيىنىنىڭ سالتاناتتى جابىلۋ ءراسىمى ءوتتى، دەپ حابارلايدى Egemen.kz.

بۇل ءراسىم بەينە بايلانىس ارقىلى قازاقستاننىڭ بارلىق وڭىرىندە ونلاين تۇردە كورسەتىلىپ، سونىڭ ارقاسىندا جيىنعا قاتىسۋشىلار تىكەلەي ەفيردەن باقىلاۋعا مۇمكىندىك الدى.

اتالعان ءىس-شاراعا قورعانىس ءمينيسترى گەنەرال-لەيتەنانت نۇرلان ەرمەكباەۆ، اقپارات جانە قوعامدىق دامۋ ءمينيسترى ايدا بالاەۆا، ءبىلىم جانە عىلىم ۆيتسە ءمينيسترى شولپان كارينوۆا، جەكە سىناقتا جانە «ۇزدىك جاس سارباز» اتالىمىندا ۇزدىك كوماندالار كاپيتاندارى، جيىننىڭ جەڭىمپازدارى قاتىستى.

رەسپۋبليكالىق جيىن ەكى اي بويى ءوتتى. ونلاين-فورماتتا 39 كوماندا جارىستى. جالپى قاتىسۋشىلار سانى 585 ادامدى قۇرادى. جيىننىڭ كونكۋرستارىنا اسكەري قولدانبالى سپورت تۇرلەرى، ينتەللەكتۋالدىق جانە شىعارماشىلىق جارىستار كىردى. قاتىسۋشىلار جاعىمدى كوڭىل-كۇيگە يە بولدى، تاجىريبە جيناقتادى، جاڭا ءبىلىم مەن شەبەرلىككە قول جەتكىزدى.

«مەن جەڭىمپازداردى قۇتتىقتايمىن. بارلىق قاتىسۋشىعا ۇزدىك بولۋعا تىرىسقاندارى ءۇشىن العىسىمدى بىلدىرەمىن. سىزدەر ءبارىڭىز اسكەري ىسپەن تانىسىپ، ارميا مەن قارۋلى كۇشتەردىڭ تاريحى تۋرالى بىلدىڭىزدەر، جەتىستىكتەرىڭىزدى، بىلىمدەرىڭىز بەن ەپتىلىكتەرىڭىزدى كورسەتتىڭىزدەر، جاڭا دوستار تاپتىڭىزدار، وزدەرىڭىزدى بەرىكتىككە سىناپ كوردىڭىزدەر»، – دەپ نۇرلان ەرمەكباەۆ اتاپ ءوتتى.

شىعىس قازاقستان وبلىسىنىڭ، تىل جانە قارۋ-جاراق باستىعى باسقارماسىنىڭ، سونداي-اق نۇر-سۇلتان قالاسىنداعى «جاس ۇلان» رەسپۋبليكالىق مەكتەبىنىڭ كوماندالارى ءوز اتالىمدارىندا ۇزدىكتەر اتاندى. تىل جانە قارۋ-جاراق باستىعى باسقارماسىنىڭ «ساعادات» كومانداسى جيىننىڭ ءابسوليۋتتى گران-پري جەڭىمپازى اتاندى.

جەڭىمپاز كوماندالار كۋبوكتارمەن، مەدالدارمەن، ديپلومدارمەن جانە قۇندى سىيلىقتارمەن ناگرادتالدى. ءار كونكۋرسانت قاتىسقانى تۋرالى سەرتيفيكات الدى.

«جىل سايىنعى جيىن – بۇل ءبىز ءۇشىن جاڭا تاجىريبە، جاڭا دوستار، جاڭا اسەرلەر. قاشىقتىقتاعى فورماتتا وتۋىنە قاراماستان، كونكۋرس وتە قىزىقتى، ءارى تارتىمدى ءوتتى. بۇل جيىن ءبىزدىڭ جۇرەگىمىزدە وتانعا دەگەن سۇيىسپەنشىلىكتىڭ وتىن جاقتى. ءبىزدى جىل سايىن وتە جوعارى دەڭگەيدە وتەتىن وسىنداي اۋقىمدى شارالارعا قاتىسۋعا مۇمكىندىكتىڭ بولۋى قۋانتادى»، - دەپ شىعىس قازاقستان وبلىسى «جاس قىران» كومانداسىنىڭ كاپيتانى اجار ىقىلاسوۆا ءوز اسەرىمەن ءبولىستى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار