قوعام • 27 قاراشا، 2020

ءاليحان سمايىلوۆ ەەك كەڭەسىنىڭ ونلاين وتىرىسىنا قاتىستى

9 رەت كورسەتىلدى

ۇشاقتار مەن ولاردىڭ قوسالقى بولشەكتەرىن اكەتۋ مەرزىمىن ۇزارتۋ، ەاەو-دا جۇمىس ىزدەۋ ءۇشىن بىرىڭعاي الاڭ قۇرۋ، مەملەكەتتىك ساتىپ الۋ ءۇشىن تاۋارلاردىڭ شىعارىلعان ەلىن انىقتاۋ. وسى جانە تاعى باسقا ماسەلەلەردى ەۋرازيالىق ەكونوميكالىق وداققا مۇشە مەملەكەتتەردىڭ پرەمەر-مينيسترلەرىنىڭ ورىنباسارلارى ەۋرازيالىق ەكونوميكالىق كوميسسيا كەڭەسىنىڭ ونلاين وتىرىسىندا تالقىلادى. قازاقستاندىق تاراپ پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ توراعالىعىمەن قاتىستى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

جالپى، قاتىسۋشىلار حالىقارالىق ىنتىماقتاستىق، مەملەكەتتىك ساتىپ الۋ، تەحنيكالىق جانە كەدەندىك رەتتەۋ سالالارىنداعى 33 ماسەلەنى قارادى.

اتاپ ايتقاندا، ەەك كەڭەسىنىڭ شەشىمىمەن ۇشاقتار مەن ولاردىڭ قوسالقى بولشەكتەرىن ۋاقىتشا اكەتۋ مەرزىمى 1 جىلعا دەيىن ۇزارتىلدى، بۇل شارا 2020-2021 جىلدار ىشىندە قولدانىلاتىن بولادى. بۇگىنگە دەيىن بۇرىن جوندەۋ نەمەسە تەحنيكالىق قىزمەت كورسەتۋ ءۇشىن اكەتىلگەن ۇشاقتار مەن ولاردىڭ قوسالقى بولشەكتەرى (ونىڭ ىشىندە قوزعالتقىشتار) قايتا اكەلۋ كەزىندە ولاردى 6 اي ىشىندە كەرى اكەلۋ شارتىمەن كەدەندىك اكەلۋ باجدارىن تولەۋدەن بوساتىلاتىن. بىراق، كارانتيندىك شەكتەۋلەردى ەسكەرە وتىرىپ، بەلگىلەنگەن مەرزىمدە قايتارۋدى جۇزەگە اسىرۋ قيىنعا سوقتى.

ەەك كەڭەسىنىڭ شەشىمىمەن مەرزىمى 1 جىلعا ايعا دەيىن ۇزارتىلدى بۇل شارا 2020-2021 جىلدار ىشىندە قولدانىلاتىن بولادى. وتىرىسقا قاتىسۋشىلار مەملەكەتتىك (مۋنيتسيپالدىق) ساتىپ الۋ ماقساتتارى ءۇشىن تاۋارلاردىڭ جەكەلەگەن تۇرلەرىنىڭ شىعارىلعان ەلىن ايقىنداۋ قاعيدالارىنىڭ جوباسىن ماقۇلدادى. 

قاعيدالار ءبىر مۇشە مەملەكەتتىڭ ءونىم بەرۋشىسى ەاەو-نىڭ باسقا ەلىنىڭ مەملەكەتتىك ساتىپ الۋلارىنا قاتىسقان كەزدە تاۋارلاردىڭ شىعارىلعان ەلىن ايقىنداۋ ءتارتىبىن رەتتەيتىن بولادى. تاۋارلاردىڭ وسى تالاپتارعا سايكەستىگى بەلگىلەنگەن پرەفەرەنتسيالاردى الۋعا جانە شەكتەۋلەر مەن تىيىم سالۋلارعا ۇشىراماۋعا مۇمكىندىك بەرەدى.

ەرەجە اعىمداعى جىلدىڭ سوڭىندا بەكىتىلەتىن بولادى. ەەك كەڭەسى جوبانىڭ ۇلگىلىك باعدارلامالىق قامتىلىمىن پايدالانۋ قۇقىعىن، تەحنيكالىق جانە پايدالانۋ قۇجاتتاماسىن ەاەو ەلدەرىنە ۇلتتىق اقپاراتتىق جۇيەلەردە وتەۋسىز نەگىزدە بەرۋ بولىگىندە «شەكاراسىز جۇمىس» ىزدەستىرۋدىڭ بىرىزدەندىرىلگەن جۇيەسى» جوباسىنىڭ پاسپورتىنا وزگەرىستەر ەنگىزدى.

جوبانىڭ ماقساتى ەاەو ەلدەرىنىڭ جۇمىسقا ورنالاستىرۋ جانە جۇمىسپەن قامتۋ سالاسىنداعى اقپاراتتىق جۇيەلەرىندە قامتىلعان بوس جۇمىس ورىندارى مەن بوس جۇمىس ورىندارىن ىزدەۋشىلەر تۋرالى اقپاراتقا قول جەتكىزۋ ءۇشىن ىزدەستىرۋ جۇيەسىن قۇرۋ بولىپ تابىلادى. جوباعا بارلىق مۇشە مەملەكەتتەردىڭ ۇلتتىق جۇيەلەرى تارتىلعان. وسى جوبانى ىسكە اسىرۋ ەاەو ازاماتتارىنا ەاەو-عا مۇشە مەملەكەتتەردىڭ اۋماعىنداعى بوس ورىندار مەن تۇيىندەمەلەرگە قول جەتكىزۋگە، سونداي-اق ليتسەنزيالىق شارتقا قول قويىلعاننان كەيىن ينتەراكتيۆتى ءوزارا ءىس-قيمىل جاساۋعا مۇمكىندىك بەرەدى.

بۇدان باسقا، كەڭەس مۇشەلەرى ەۋرازيالىق «بەستىك» ەلدەرىندە تسيفرلىق كولىك دالىزدەرىنىڭ ەكوجۇيەسىن قالىپتاستىرۋ جانە ىسكە قوسۋ ءۇشىن سەرۆيستەر مەن تسيفرلىق ينفراقۇرىلىم تىزبەسىن بەكىتتى. ەاەو تسيفرلىق كولىك دالىزدەرىنىڭ ەكوجۇيەسى ىسكەر ارىپتەستەرگە ءتيىمدى قورعالعان ورتادا جەتكىزىلىمدەردىڭ بۇكىل تىزبەگى بويىنشا لوگيستيكالىق اقپاراتپەن الماسۋعا كومەكتەسۋگە، سونداي-اق ەلدەر ىشىندەگى جانە حالىقارالىق دەڭگەيدەگى ۋاكىلەتتى ورگاندارمەن زاڭدىق ماڭىزى بار ەلەكتروندىق ءوزارا ءىس-قيمىلدى قامتاماسىز ەتۋگە ارنالعان. ەكوجۇيەنى 2025 جىلعا قاراي قالىپتاستىرۋ جوسپارلانۋدا.


سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار