قوعام • 27 قاراشا، 2020

"جەدەل جاردەم" بازاسىنداعى بايلانىس ورتالىعى 7 مىڭعا جۋىق ەلوردالىقتارعا كەڭەس بەردى

10 رەت كورسەتىلدى

حالىققا COVID-19 تۋرالى اقپارات تاراتۋ ماقساتىندا ماۋسىم ايىندا قالالىق جەدەل مەديتسينالىق جاردەم ستانتسياسىنىڭ بازاسىندا بايلانىس ورتالىعى ۇيىمداستىرىلدى. ماۋسىم ايىنان باستاپ، قازىرگى ۋاقىتقا دەيىن بايلانىس ورتالىعىنىڭ ماماندارى 6 981 ادامعا كونسۋلتاتيۆتى كەڭەس بەرگەن، دەپ حابارلايدى Egemen.kz.

مۇنداي كومەكتى قالالىق ەمحانالاردىڭ ماماندارى كورسەتتى.

"قوڭىراۋلاردىڭ دەنى پتر تەستىنىڭ قۇنى مەن تاپسىرۋ ورنى تۋرالى بولدى. كوبىنەسە اۋرۋدىڭ جەڭىل تۇرىمەن ناۋقاستانعان ادامدار ۇيدە قالاي ەمدەلۋگە بولاتىندىعى، قانداي دارۋمەندەردى قولدانۋ كەرەك ەكەندىگىن سۇراعان. قالادان شىعۋعا رۇقساتتى قالاي الۋعا بولاتىندىعى دا قىزىقتىردى"،-دەيدى نۇر-سۇلتان قجمجس ديسپەتچەرلىك ءبولىمىنىڭ مەڭگەرۋشىسى بوتا سادەتحان.

پاندەميا كەزىندە 8-10 مامان كونسۋلتاتيۆتى كومەك كورسەتتى، قازىر 2-3 پوست جۇمىس ىستەيدى. ەگەر جازدا كەڭەس بەرۋ بويىنشا شاقىرۋلار سانى 100-150-گە جەتسە، قازىرگى ەپيدەميولوگيالىق جاعدايدى ەسكەرە وتىرىپ، بۇل كورسەتكىش كۇنىنە 20-30-عا دەيىن تومەندەدى.

"اتالعان ورتالىقتى قۇرۋ "103" جەلىسىن جەڭىلدەتۋگە، سونداي-اق COVID-19 بويىنشا قولجەتىمدى اقپارات بەرۋگە مۇمكىندىك جاسادى. كوپتەگەن ازاماتتار اۋرۋ كلينيكاسى پايدا بولعان كەزدە قايدا بارۋ كەرەكتىگىن بىلمەدى. بايلانىس ورتالىعى بۇل ماسەلەدە كومەكشى قۇرالعا اينالدى"، - دەپ اتاپ ءوتتى قدسب باسشىسىنىڭ ورىنباسارى ءاليا رۇستەموۆا.

سونداي-اق، "103" بازاسىندا @ns103 چات-بوت ارقىلى قوڭىراۋلاردى قابىلداۋ ۇيىمداستىرىلعان. كۆي جۇقتىرعاندار كوبەيگەن كەزدە بارلىعى 2 200-گە جۋىق ءوتىنىش قابىلداندى، ورتاشا ەسەپپەن تاۋلىك سايىن 90-عا جۋىق ءوتىنىش وڭدەلدى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

ۇقساس جاڭالىقتار