جۋىردا پرەزيدەنت تاپسىرمالارىن ورىنداۋ جانە فارمونەركاسىپتى دامىتۋدىڭ كەشەندى جوسپارىن ىسكە اسىرۋ ماقساتىندا «سق-فارماتسيا» Kazakh Invest-پەن بىرلەسىپ الەۋەتتى ينۆەستورلارعا ارنالعان INVESTMENT GUIDE BOOK جولكورسەتكىشىن دايىندادى. جولكورسەتكىشتىڭ مىندەتى – ء«بىر تەرەزە» قاعيداتى بويىنشا ءىرى ءدارى-دارمەك برەندتەرى بار ەلدەرگە قاپتامادان باستاپ ءوندىرىستىڭ تولىق تسيكلىنە دەيىن كىرۋ الاڭىن قامتاماسىز ەتۋ.
INVESTMENT GUIDE BOOK قولدا بار ينۆەستيتسيالىق ارتىقشىلىقتار تۋرالى اقپارات بەرۋ, وتاندىق جانە شەتەلدىك ينۆەستورلار ءۇشىن راسىمدەردىڭ اشىقتىعى مەن ايقىندىعىن قامتاماسىز ەتۋ ماقساتىندا ازىرلەندى. ونىڭ مىندەتى ينۆەستورلارعا ينۆەستيتسيالىق جوبانى ىسكە اسىرۋدىڭ بارلىق كەزەڭدەرىندە قولداۋ كورسەتۋ, تۋىندايتىن ماسەلەلەردى ۋاقتىلى شەشۋ. ول ء«بىر تەرەزە» قاعيداتى بويىنشا ينۆەستورلاردىڭ مەملەكەتپەن بايلانىسۋىنىڭ ورتاق نۇكتەسىنە اينالۋعا ءتيىس.
جولكورسەتكىشتىڭ «وتاندىق وندىرۋشىلەردەن دارىلىك زاتتار مەن مەديتسينالىق بۇيىمدار ساتىپ الۋ راسىمدەرى» بولىمىندە ءدارى-دارمەكتەردى, مەديتسينالىق بۇيىمداردى جانە مەديتسينالىق تەحنيكانى جەتكىزۋدىڭ ۇزاق مەرزىمدى شارتتارىن جاساسۋ ءتارتىبى, كەلىسىمشارت ءوندىرىسى بويىنشا ساتىپ الۋ ءتارتىبى, شارتتار جاساسۋ ولشەمشارتتارى جانە كونكۋرستىق كوميسسيانىڭ قۇرامى ەگجەي-تەگجەيلى سيپاتتالعان.
سونداي-اق ءدارى-دارمەكپەن قامتاماسىز ەتۋ, باعالاردى رەتتەۋ ماسەلەلەرىن, دارىلىك زاتتار مەن مەديتسينالىق بۇيىمداردى ساتىپ الۋ قاعيدالارىن جانە ءتيىستى فارماتسەۆتيكالىق داعدىلاردى رەتتەۋشى نورماتيۆتىك-قۇقىقتىق اكتىلەردىڭ بارلىق تىزبەسى جاسالدى.
اقپاراتتىق-تالداۋ بلوگىندا قازاقستاننىڭ فارماتسەۆتيكالىق نارىعىنىڭ قۇرىلىمى جانە «سق-فارماتسيا» جۇمىسىنىڭ سوڭعى 10 جىلداعى ۇزاق مەرزىمدى شارتتار شەڭبەرىندە ساتىپ الۋدى تالداۋ ۇسىنىلعان. سونداي-اق قۇجاتقا «بايتەرەك» حولدينگىنىڭ, Qazindustry, «استانا» حقو-نىڭ قارجىلىق جانە ينۆەستيتسيالىق ينستيتۋتتارى تۇرىندەگى مەملەكەتتىك قولداۋدىڭ قولدانىستاعى شارالارى ەنگىزىلگەن.
2025 جىلعا قاراي قازاقستان ءوز ءفارموندىرىسىنىڭ ۇلەسىن 50%-عا دەيىن ارتتىرۋدى كوزدەپ وتىر. قازىرگى ۋاقىتتا جەرگىلىكتى نارىقتاعى وتاندىق وندىرۋشىلەردىڭ ۇلەسى 17%-دى قۇرايدى. بۇدان باسقا, مەديتسينالىق جابدىقتار مەن شىعىس ماتەريالدارىنىڭ ءوندىرىسى بەلسەندى داميتىن بولادى. بۇل سالالار ينۆەستيتسيا ءۇشىن اشىق بولادى ءارى جوبالارعا مەملەكەت تاراپىنان تولىق قولداۋ تاباتىن بولادى.
جۋىردا ۇكىمەت فارماتسەۆتيكالىق ونەركاسىپتى دامىتۋدىڭ 2025 جىلعا دەيىنگى كەشەندى جوسپارىن قابىلداعانى بەلگىلى. وعان سايكەس جەكە فارماتسەۆتيكالىق ءوندىرىس ۇلەسىن 50%-عا دەيىن ارتتىرۋ جانە 30-دان استام ءىرى فارماتسەۆتيكالىق ءوندىرىستى ىسكە قوسۋ جوسپارلانۋدا.
«سق-فارماتسيا» – ءدارى-دارمەكتەردىڭ بىرىڭعاي ديستريبيۋتورى. كومپانيا تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتاردى ساتىپ الۋدى جۇزەگە اسىرادى. سونداي-اق ءدارى-دارمەكتەردى ساقتاۋ, مەملەكەتتىك مەديتسينالىق مەكەمەلەرگە لوگيستيكا پروتسەستەرىن ۇيىمداستىرۋ جۇمىستارىمەن دە اينالىسادى.
