اجىراسۋعا ايەل مۇددەلى. نەگە؟

شاڭىراق كوتەرگەن جاس وتاۋ­­لاردىڭ تەڭ جارىمىنا جۋىعى ارادا بىرەر جىل وتپەي-اق اجىراسىپ جاتاتىنىن بۇگىن­دە جۇرتتىڭ ءبارى بىلەدى. ەڭ قيى­نى, اجىراسۋعا ارىز بەرۋشى­لەر­دىڭ دەنى ايەلدەر ەكەن. بۇل, ءسوز جوق, ايەل زاتىنىڭ وتباسى بەرە­كەسىن ساقتاۋعا ىنتاسىزدىعىنىڭ بەلگىسى. ياعني, وتباسى تاربيە­سىن­دە جىبەرىلگەن اقاۋدىڭ اسەرى. ايتسە دە ولاردىڭ بارىنە بىردەي قارا بوياۋدى باتتاستىرا جاعۋدان اۋلاقپىز. “ارقادا قىس جايلى بول­­سا, ارقار اۋىپ نەسى بار” دە­گەن­دەي, اجىراسۋعا ولاردى ءماج­بۇر ەتەتىن ءجايت – ءومىر جولىنا بىرگە اتتانعان جارىنىڭ وتباسى جىلۋىن ساقتاۋعا جاۋاپسىزدىعى ەكەنى دە انىق. راسىندا دا وسى كۇندەرى جىگىتتەردىڭ اراسىندا وتباسىن اسىراماق تۇگىلى, ءوز باسىن الىپ جۇرە الماي ءجۇر­گەندەرى دە تولىپ جاتقان جوق پا... ارينە, ايتا بەرسە, تىزە بەر­سە جاس شاڭىراقتىڭ كۇي­رەۋىنە اكەپ سوعاتىن سەبەپ تە, سالدار دا از ەمەس. دەگەنمەن, ەڭ باستى سەبەپ – جاستاردىڭ وتباسىن قۇرۋعا دەگەن جاۋاپسىزدىعى, دايىندىعىنىڭ جوقتىعى دە­مەس­كە شارا جوق. ۇرىس-جان­جال كىرگەن, اقىرى اجىراسىپ تىنعان مۇنداي وتباسىندا ەڭ الدىمەن بالا جاپا شەگەدى. بۇرىندارى اتا-اناسى اجى­راس­قان جاعدايدا بالا كوبىندە انا باۋىرىندا قالاتىن. نەگىزى­نەن بۇل دۇرىس شەشىم. ويتكەنى, بالا­عا اناسىنان جاقىن كىم بار؟! العان تاربيەسى, ءبىلىم-بىلىگى ءبىر-بىرىنە ساي كەلەتىن, اۋرۋ-سىر­قاۋى جوق انانىڭ بالانى جە­تىم­سىرەتپەي, كوڭىلىنە قاياۋ سال­ماي ءوسىرىپ, ازامات ەتىپ قا­تارىنا قوساتىنىن دا ءومىردىڭ ءوزى دالەل­دەپ وتىر. سودان دا زاڭ ورىن­دارى نەگىزىنەن بالانىڭ اناسىن­دا قالۋى باسى اشىق ماسەلە دەپ قاراي­تىن. ال ەندى وسى كۇندەرى سوت ارقىلى اجى­راس­قان كەزدە بالانىڭ اكەسىندە قالۋىن ءوز ەركىمەن قالايتىن ايەلدەردىڭ قىلاڭ بەرە باستاۋىن قالاي ءتۇسى­نەمىز؟ بۇل بالانىڭ باقۋات­تى اكە­نىڭ باۋىرىندا ەشنار­سە­دەن تارشىلىق كورمەي ءوسۋىن ويلاۋ ما, جوق الدە باۋىر ەتى پەر­زەنتى­نىڭ بەينەتىنەن قاشقاق­تاۋ ما؟ مىنە, وسى جاعى ويلاندىرادى. مىنە, وسى جايتتەر پرەزي­دەنت جانىنداعى ايەلدەر ءىسى جانە وتباسىلىق-دەموگرافيا­لىق ساياسات جونىندەگى ۇلتتىق كوميسسيانىڭ كەزەكتى وتىرى­سىندا اڭگىمە وزەگىنە اينالدى. نەگىزگى اڭگىمە, كۇن تارتىبىندەگى ماسەلە باسقا, ياعني گەندەرلىك تەپە-تەڭدىك ماسەلەسىنە بايلا­نىستى سۋديالاردىڭ, ادۆوكاتتار­دىڭ ءبىلىمىن جەتىلدىرۋ, ولاردى قاجەتتى وسى تۇرعىداعى وقۋ باعدارلامالارمەن قامتاماسىز ەتۋ بولعانىمەن جوعارىداعى ءجايتتىڭ كوبىرەك ءسوز بولۋى, وعان كوپشىلىك تاراپىنان مەيلىنشە ءمان بەرىلۋى بۇل ماسەلەگە ەشكىم­نىڭ دە بەي-جاي قاراماي­تىندىعىن اڭعارتادى. ەڭبەك جانە حالىقتى الەۋ­مەت­تىك قورعاۋ ءمينيسترى, پرەزي­دەنت جانىنداعى ايەلدەر ءىسى جانە وتباسىلىق- دەموگرافيا­لىق ساياسات جونىندەگى ۇلتتىق كوميسسيانىڭ ءتورايىمى گۇل­شارا ابدىقالىقوۆا وتكىزگەن بۇل جيىنعا پارلامەنت دەپۋتاتتارى, بىرقاتار مينيسترلىكتەردىڭ جاۋاپ­تى قىزمەتكەرلەرى, حالىق­ارالىق جانە ۇكىمەتتىك ەمەس ۇيىمداردىڭ وكىلدەرى قاتىستى. جۇماگۇل قۋانىشبەكقىزى.