ماسەلەنىڭ ءمان-جايىن ءبىلۋ ماقساتىندا جۋرناليست ارمان اۋباكىر مۇحتار شاحانوۆتىڭ وزىمەن حابارلاسقان. سۇحبات بارىسىندا اقىن ەشقانداي الەۋمەتتىك جەلىنى قولدانبايتىنىن جانە تاراعان مالىمدەمە جالعان ەكەنىن ايتقان.
قوعام قايراتكەرىنىڭ ەسىمىن جامىلىپ, مۇنداي مازمۇنداعى اقپاراتتى جاريالاۋدىڭ ارتىندا ساياسي تاپسىرىس تۇرۋى مۇمكىن. مۇنداي «فەيكتەردىڭ» نەگىزگى ماقساتى – قوعامعا جىك سالۋ, جۇرتشىلىقتى ءبىر-بىرىنە قارسى قويۋ جانە ازاماتتاردى زاڭسىز ارەكەتتەرگە يتەرمەلەۋ.
ەسكە سالا كەتەيىك, ەلىمىزدىڭ زاڭناماسىنا سايكەس, كورىنەۋ جالعان اقپارات تاراتقان تۇلعالار ءۇشىن قاتاڭ جاۋاپكەرشىلىك قاراستىرىلعان. شىندىقتى بۇرمالاپ, حالىقتى اداستىرعان ازاماتتار اكىمشىلىك نەمەسە قىلمىستىق جاۋاپكەرشىلىككە تارتىلۋى مۇمكىن.
