بيرجا دەرەكتەرىنە سۇيەنسەك, 2025 جىلدىڭ سوڭىندا ۇلتتىق كومپانيانىڭ ءبىر اكتسياسى 28 059 تەڭگە بولعان. ال 2026 جىلدىڭ 30 قاڭتارىنداعى سوڭعى مامىلە كەزىندە ونىڭ قۇنى 41 950 تەڭگەگە دەيىن جەتتى.
باعانىڭ وسۋىمەن قاتار, اكتسيالاردىڭ ساۋدالانۋ بەلسەندىلىگى دە كۇرت ارتتى. ءبىر اي ىشىندە ساۋدا كولەمى 92,8%-عا ءوسىپ, جاسالعان مامىلەلەردىڭ جالپى سوماسى 6,5 ملرد تەڭگەنى قۇرادى. بۇل كورسەتكىش KASE يندەكسىنە كىرەتىن اكتسيالارمەن جۇرگىزىلگەن جالپى ساۋدا كولەمىنىڭ 34,5%-ىنا تەڭ.
Alibaba مەن Baidu اكتسيالارى قازاقستان قور بيرجاسىندا ساۋدالانادى
«قازاتومونەركاسىپ» – الەمدەگى ەڭ ءىرى ۋران وندىرۋشىلەردىڭ ءبىرى. كومپانيانىڭ بۇلايشا نارىقتاعى بەدەلىنىڭ ارتۋىنا 2 اقپاندا جاريالانعان ەسەپ سەبەپ بولدى. وندا كومپانيا 2025 جىلى ۋران ءوندىرىسى مەن ساتۋ كولەمىنىڭ الدىڭعى جىلمەن سالىستىرعاندا ايتارلىقتاي وسكەنىن مالىمدەدى.
قازىر كومپانيا سالاداعى ەڭ ءىرى ۋران رەزەرۆتىك بازاسىنا يە. ول ەنشىلەس جانە بىرلەسكەن ۇيىمدارىمەن بىرگە 14 ۋران ءوندىرۋشى كاسىپورىنعا بىرىكتىرىلگەن 27 كەن ورنىن يگەرىپ جاتىر.
