فوتو: Khel Now
كەزدەسۋ اقش-تىڭ تەحاس شتاتىنداعى «حيۋستون ستەديۋم» ارەناسىندا وتەدى. ويىن استانا ۋاقىتىمەن ساعات 22:00-گە جوسپارلانعان.
بۇل ماتچ قوس قۇراما اراسىنداعى العاشقى كەزدەسۋ بولماق. بۇعان دەيىن پورتۋگاليا مەن كونگو رەسمي تۋرنيرلەردە دە, جولداستىق ويىنداردا دا ءبىر-بىرىنە قارسى الاڭعا شىقپاعان.
پورتۋگاليا قۇراماسى 2026 جىلعى الەم چەمپيوناتىنا ىرىكتەۋ كەزەڭىندە سەنىمدى ويىن كورسەتىپ, 13 ۇپايمەن ءوز توبىندا ءبىرىنشى ورىن الدى.
ال افريكالىقتار الەم چەمپيوناتىنا تىكەلەي ىرىكتەۋ ارقىلى وتە المادى. دەگەنمەن كوماندا قوسىمشا ىرىكتەۋ ءتۋرنيرى ارقىلى جولداماعا قول جەتكىزدى. كونگولىقتار يامايكامەن كەزدەسىپ, قوسىمشا ۋاقىتتا 1:0 ەسەبىمەن جەڭىسكە جەتتى.
الەم بىرىنشىلىگىنە دايىندىق بارىسىندا كونگو ەكى جولداستىق ماتچ وتكىزدى. الدىمەن دانيامەن 0:0 ەسەبىمەن تەڭ تۇسسە, كەيىن چيليگە 2:1 ەسەبىمەن جول بەردى.
ايتا كەتەيىك, 23 ماۋسىم ساعات 22:00-دە پورتۋگاليا قۇراماسى وزبەكستان ۇلتتىق قۇراماسىمەن كەزدەسەدى. ال 24 ماۋسىم ساعات 07:00-دە كونگو كولۋمبيا قۇراماسىمەن ويىن وتكىزەدى.
ەسكە سالا كەتەيىك, الەم چەمپيوناتىنىڭ ماتچتارىن «Qazaqstan» جانە «Qazsport» تەلەارنالارى تىكەلەي ەفيردە كورسەتەدى. سونىمەن قاتار ويىندار qazaqstan.tv, qazsporttv.kz رەسمي سايتتارىندا, «Qazaqstan.tv» ءموبيلدى قوسىمشاسىندا جانە «Birge.tv» پلاتفورماسىندا ونلاين فورماتتا قولجەتىمدى بولادى.
