فوتو: www.istockphoto.com
ۆەدومستۆونىڭ مالىمەتىنشە, اتالعان كەزەڭدە شامامەن 1,5 مىڭ ەسىرتكى قىلمىسى تىركەلگەن. سونداي-اق التى ۇيىمداسقان قىلمىستىق توپتىڭ, ونىڭ ىشىندە ءبىر ترانسۇلتتىق قىلمىستىق توپتىڭ قىزمەتى توقتاتىلعان.
«قۇقىق قورعاۋ ورگاندارى 12 سينتەتيكالىق ەسىرتكى زەرتحاناسىن جانە 42 فيتوزەرتحانانى جويدى. بۇدان بولەك, زاڭسىز ەسىرتكى اينالىمىنا قاتىسى بار 12 مىڭعا جۋىق ينتەرنەت-رەسۋرس بۇعاتتاۋعا جىبەرىلدى. ءىىم مەن ۇلتتىق بانك بىرلەسىپ ەسىرتكى بيزنەسىنىڭ قارجىلىق ارنالارىنا دا توسقاۋىل قويىلىپ جاتىر. ناتيجەسىندە 107 ميلليون تەڭگەدەن استام كۇماندى قارجى اۋدارىمى توقتاتىلىپ, 125 مىڭعا جۋىق شەتەلدىك تولەم كارتاسى بۇعاتتالدى. سونىمەن قاتار 20 مىڭ كريپتواميانعا قاتىستى تەكسەرۋ جۇرگىزىلىپ جاتىر», دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى ەلدار ابدىكەنوۆ.
مينيسترلىك سينتەتيكالىق ەسىرتكىنىڭ تارالۋى ەرەكشە قاۋىپ ءتوندىرىپ وتىرعانىن اتاپ ءوتتى. جىل باسىنان بەرى زاڭسىز اينالىمنان 466 كەلى سينتەتيكالىق ەسىرتكى مەن 11 توننادان استام پرەكۋرسور تاركىلەنگەن.
ەسكە سالايىق, بۇعان دەيىن پاۆلوداردا ەسىرتكى قوسىلعان كوكنار تۇقىمىن ساتقان قىلمىستىق توپ اشكەرەلەنگەن بولاتىن. سوت ۇكىمىمەن قىلمىسكەرلەر 7 جىلعا باس بوستاندىعىنان ايىرىلدى.
