قوعام • 26 قاراشا، 2020

قىزپۋ ستۋدەنتى الەم كۋبوگىنىڭ جۇلدەگەرى اتاندى

15 رەت كورسەتىلدى

اتالمىش ءبىلىم ورداسىنىڭ ابىرويى جاھاندىق جارىستا اسقاقتادى! قازاق ۇلتتىق قىزدار پەداگوگيكالىق ۋنيۆەرسيتەتىنىڭ پەداگوگيكا جانە پسيحولوگيا جوعارى مەكتەبىنىڭ ستۋدەنتى گۇلنۇر ىبىراي اۋىر اتلەتيكادان الەم كۋبوگىنىڭ قولا جۇلدەگەرى اتاندى، دەپ حابارلايدى وقۋ ورنىنىڭ ءباسپاسوز قىزمەتى.

پەرۋدىڭ ليما قالاسىندا پەرۋ اۋىر اتلەتيكا فەدەراتسياسىنىڭ ۇيىمداستىرۋىمەن وتكەن بايراقتى باسەكەگە 61 مەملەكەتتەن 400 سپورتشى قاتىستى. ال قازاقستان اتىنان اتالعان جارىستا باقتارى مەن باپتارىن سىناۋعا 7 اتلەت جولداما الىپ، مۇمكىندىكتەرىن باعامداپ كوردى.

سايىس بارىسىندا گۇلنۇر ىبىراي 64 كەلىگە دەيىنگى سالماق دارەجەسىندە سىنعا ءتۇسىپ، جالپى سانى 197 ۇپاي جينادى.

جارىس فينالىندا قازاقستاندىق زىلتەمىرشى مەكسيكا، كولۋمبيا سپورتشىلارىمەن كەزدەسىپ، ءوزارا مىقتىنى انىقتادى. دەسە دە ۇپاي سانىمەن قارسىلاستارىنا جول بەرىپ، ءۇشىنشى ورىنعا يە بولدى.

– اۋىر اتلەتيكا – مەنىڭ ومىرىمدە ماڭىزدى ءرول اتقارادى. بۇل سپورت ءتۇرى ماعان مول ءبىلىم مەن تاجىريبە جيناۋىما مۇمكىندىك بەردى. مەنىڭ ويىمشا، اۋىر اتلەتيكانىڭ وزگە سايىس تۇرلەرىنەن ەرەكشەلىكتەرى جەتىپ ارتىلادى. سونىڭ ءبىرى – كورەرمەندەردىڭ الدىندا الەمدىك رەكوردتار مەن تاريحتار جاسالىپ جاتادى. بۇل اسەردى سوزبەن ايتىپ جەتكىزۋ مۇمكىن ەمەس، – دەيدى گۇلنۇر ىبىراي.

قىزدار ۋنيۆەرسيتەتىنىڭ «ۇستاز» سپورت كلۋبىنىڭ باسشىسى سادۋاقاس شىڭعىسباەۆتىڭ ايتۋىنشا، وقۋ ورنىندا «دەنە شىنىقتىرۋ جانە سپورت» ماماندىعى بويىنشا ءبىلىم الاتىن بويجەتكەننىڭ كەلەشەگىنەن كۇتەر ءۇمىت مول.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

زاكيريانوۆتىڭ «زووباعى»

پىكىر • بۇگىن، 07:45

ۇقساس جاڭالىقتار