قوعام • 26 قاراشا، 2020

"وقۋلىق" ورتالىعى مەن "BAQ KASIPODAQ" ءوزارا ىنتىماقتاستىق تۋرالى مەموراندۋمعا قول قويدى

41 رەت كورسەتىلدى

بۇگىن "وقۋلىق" رەسپۋبليكالىق عىلىمي-پراكتيكالىق ورتالىعى مەن "BAQ KASIPODAQ" بۇقارالىق اقپارات قۇرالدارى مەن تەلەراديو حابارلارىن تاراتۋ قىزمەتكەرلەرىنىڭ سالالىق كاسىپوداعى" ءوزارا ىنتىماقتاستىق تۋرالى مەموراندۋمعا قول قويدى، دەپ حابارلايدى Egemen.kz.

مەموراندۋمعا قول قويۋ راسىمىنە "وقۋلىق" رەسپۋبليكالىق عىلىمي-پراكتيكالىق ورتالىعىنىڭ ديرەكتورى عاني بەيسەمباەۆ جانە "BAQ KASIPODAQ" كاسىپوداعىنىڭ توراعاسى زەيىن الىپبەك قاتىستى.

تاراپتار قول قويعان مەموراندۋم اياسىندا سەرىكتەستىك قارىم-قاتىناستار ورناتۋعا جانە باق-تىڭ الەۋەتىنە سۇيەنە وتىرىپ وقۋلىقتاردىڭ ساپاسىن ارتتىرۋعا، سونداي-اق ولاردىڭ مازمۇنىن بايىتۋ ماسەلەلەرى بويىنشا  ۇزاقمەرزىمدى ىنتىماقتاستىقتى دامىتۋعا ۋاعدالاستى.

"وقۋلىق" ورتالىعى مەملەكەت باسشىسىنىڭ جولداۋىندا جاريالانعان "ەستيتىن مەملەكەت" تۇجىرىمداماسىن ۇستانعان جانە قوعامنىڭ بارلىق قاجەتتىلىكتەرىنە جەدەل، ءتيىمدى ارەكەت ەتۋدى كوزدەيدى.

ء"بىز ءوزىمىزدى اشىقتىق اياسىندا جۇمىس جاسايتىن قوعامدىق ورتانىڭ اجىراماس بولىگى رەتىندە ايقىندادىق. سونداي قۇندىلىقتاردى باسشىلىققا الا وتىرىپ، قۇرمەت، سەنىم، ادالدىق جانە ادىلدىك پرينتسپتەرىنە نەگىزدەلگەن قارىم-قاتىناس قۇرامىز. اتالمىش كونتسەپتسيانى ىسكە اسىرا وتىرىپ، ءبىز وڭتايلى توقتامعا كەلۋ ءۇشىن وقۋلىقتاردىڭ مازمۇن-ساپاسىن ارتتىرۋداعى بىرقاتار ماڭىزدى ماسەلە بويىنشا ساراپشى ورتانى جۇمىلدىرۋعا مۇددەلىمىز"، – دەپ اتاپ ءوتتى ورتالىق ديرەكتورى ع.بەيسەمباەۆ.

تاراپتار بىرلەسكەن باعدارلامالار مەن جوبالار ازىرلەپ، سونىمەن قاتار قوعامدى ساراپشىلىق جۇمىستىڭ جاي-كۇيى مەن بارىسى تۋرالى حاباردار ەتۋگە باعىتتالعان ءىس-شارالار وتكىزۋگە نيەتتى.

ەستەرىڭىزگە سالا كەتەيىك، "وقۋلىق" رعپو ءبىلىمنىڭ مازمۇنىن باعالاۋ،  وقۋلىقتار مەن وقۋ-ادىستەمەلىك كەشەندەردى ساراپتاۋ ارقىلى ءبىلىمنىڭ ساپاسىن قامتاماسىز ەتۋگە اتسالىسادى. ورتالىق ءوزىنىڭ قۇزىرەتى شەگىندە قر ءبىلىم جانە عىلىم مينيسترلىگىنىڭ مىندەتتەمەلەرىن ورىنداپ، وقۋلىقتاردىڭ ساپاسىن ارتتىرۋ، سونداي-اق وسكەلەڭ ۇرپاقتىڭ  ءبىلىمىن جەتىلدىرۋ باعىتىندا جۇمىس ىستەيدى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

ۇقساس جاڭالىقتار