ايماقتار • 25 قاراشا، 2020

10 ميلليون تەڭگە ۇرلاعان ەكى كۇدىكتى قولعا ءتۇستى

21 رەت كورسەتىلدى

پاۆلودارلىق جەدەل ۋاكىلدەر ون ميلليون تەڭگە ۇرلاعان ەكى كۇدىكتىنى ۇستادى، – دەپ حابارلايدى Polisia.kz.

25 قىركۇيەكتە پاۆلودار وبلىسىنىڭ پوليتسەيلەرىنە بەلگىسىز بىرەۋلەردىڭ اۆتوكولىگىنىڭ تەرەزەسىن سىندىرىپ، ون ميلليون تەڭگە اقشاسىن ۇرلاپ كەتكەنى تۋرالى ەر ادام  حابارلاسقان.  جابىرلەنۋشى قاراعاندى قالاسىندا تۇرادى جانە جۇك كولىگىمەن قاراعاندى – سەمەي قالالارى اراسىندا جۇك تاسىمالداۋمەن اينالىسادى. ول ءبىر كۇن بۇرىن تۋىسىمەن بىرگە سەمەي قالاسىنا توعىز توننا كوكونىس پەن جەمىس-جيدەك الىپ كەلىپ، وندا تاۋاردى بازارعا ءتۇسىرىپ، اكەلگەن تاۋارى ءۇشىن قوماقتى اقشا العان.

ەر ادام اقشانى قاعاز كونۆەرتتەرگە سالىپ، ماشينانىڭ ورىندىعىنىڭ استىندا ورنالاسقان تەمىر سەيفكە سالعان. سەيف ق ۇلىپتالاتىن جانە كولىكتىڭ ورىندىعىنا دانەكەرلەنگەن بولعان. جولدا ەر ادامدار پاۆلودار قالاسىنا تاماق ءىشۋ ءۇشىن توقتاعان، بىراق 30 مينۋتتان كەيىن اسحانادان شىققان ەر ادام كولىگىنىڭ تەرەزەسى سىندىرىلعانىن، ال جۇرگىزۋشى وتىراتىن ورىندىق پەن وعان دانەكەرلەنگەن سەيفتىڭ مۇلدەم جوق ەكەنىن كورگەن.

– جەدەل-ىزدەستىرۋ ءىس-شارالارى بارىسىندا پاۆلودارلىق جەدەل ۋاكىلدەر ون ميلليون تەڭگە ۇرلاعان ەكى كۇدىكتىنى ۇستادى. ولار شىعىس قازاقستان وبلىسىنىڭ تۇرعىندارى بولىپ شىقتى، ولاردىڭ بىرەۋى بۇرىن سوتتالعان. جەدەل ۋاكىلدەر بەينەباقىلاۋ كامەرالارىنىڭ كومەگىمەن قاسكۇنەمدەردىڭ  جابىرلەنۋشىلەردىڭ ىزىنە سەمەي قالاسىنداعى بازارلاردىڭ بىرىندە تۇسكەنىن انىقتادى. كاسىپكەرلەردىڭ قوماقتى اقشاسىنىڭ بار ەكەنىن بايقاعان ولار قىلمىستىق جوسپار قۇرىپ، ونى پاۆلوداردا جۇزەگە اسىرعان. اتالعان فاكت بويىنشا قر قىلمىستىق كودەكسىنىڭ 188-بابى (ۇرلىق)  بويىنشا سوتقا دەيىنگى تەرگەۋ امالدارى جۇرگىزىلۋدە، – دەدى پوليتسيا دەپارتامەنتىنىڭ باستىعى نۇرلان ءماسىموۆ.

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار