"نا ستارتە" ءفيلمى اياقتالىپ كەلەدى

كينو • 25 قاراشا، 2020

"نا ستارتە" ءفيلمى اياقتالىپ كەلەدى

30 رەت كورسەتىلدى

ۇلتتىق كينونى قولداۋ مەملەكەتتىك ورتالىعى قارجىلاندىرعان "نا ستارتە" قازاقستاندىق كارتينانىڭ ءتۇسىرىلىمى اياقتالۋعا جاقىن، دەپ حابارلايدى Egemen.kz

ايناش ەسالى

"نا ستارتە" ءفيلمىنىڭ جەلىسى بويىنشا اكەدەن ايىرىلعان اعايىندىلار قىلمىستىق جولعا تۇسەدى. ولاردى تالانتتى جاستاردى ىزدەۋ ءۇشىن قالادان اۋىلعا كەلگەن جەڭىل اتلەتيكا سپورتىنىڭ جاتتىقتىرۋشىسى بايقاپ قالادى. اعايىندىلار جاڭا سىناقتارعا تاپ بولادى. قايعىلى جاعداي ولاردىڭ ءومىرىن وزگەرتەدى. اعايىندىلاردىڭ بىرىنە جۇگىرۋ مارافونىنا قاتىسىپ، الەم چەمپيونىن جەڭۋ قاجەت.

كارتينا Golden Man Media كينوستۋدياسىندا ءتۇسىرىلدى. "نا ستارتە" ءفيلمى قازاقستاندىق پروكاتقا 2021 جىلى شىعادى.

كارتينا رەجيسسەرى ەرنار نۇرعاليەۆ. ول كوپشىلىككە "زولۋشكا زاۋرە"، "وگەي جۇرەك"، "سۇيە بىلسەڭ"، "سۇيە بىلسەڭ-2"، "ماحابباتىم جۇرەگىمدە"، "كەلiنجان-1"، "كەلiنجان-2" تەلەحيكايالارى، "برات يلي براك"، "ستانتسيا سۋدبى" كوركەم فيلمدەرى، "جانىم، تى نە پوۆەريش!" كومەدياسى، "يا ليۋبليۋ تەبيا" مەلودراماسى، "Sisitay" ميۋزيكلى ارقىلى تانىمال.

كارتينانىڭ ەكىنشى رەجيسسەرى الان ابدىباەۆ.

"نا ستارتە" كارتيناسىنا 2019 جىلى پيتچينگ جوباسىنىڭ اياسىندا قازاقستان رەسپۋبليكاسىنىڭ مادەنيەت پەن سپورت مينيسترلىگىنەن قولداۋ كورسەتىلدى. قارجىلاندىرۋ ۇلتتىق كينونى قولداۋ مەملەكەتتىك ورتالىعىنىڭ تاراپىنان جۇرگىزىلدى.

"نا ستارتە" كوركەم ءفيلمى ول ناعىز موتيۆاتسيالىق سپورت دراماسى. كارانتين سالدارىنان كارتينا جۇمىستارىن جۇرگىزۋ قيىنعا سوقتى. ءفيلمنىڭ العاشقى قويۋشى رەجيسسەرى رەسەيلىك ازامات يندار دجەندۋباەۆ بولدى. ول كارتينادا جارتى جىلدان استام جۇمىس ىستەدى. بىراق قازاقستانداعى توتەنشە جاعدايعا بايلانىستى ول ءوز ەلىنە كەتۋگە ءماجبۇر بولدى. قازىرگى جاعدايعا بايلانىستى ستسەناريگە وزگەرىس ەنگىزۋگە تۋرا كەلدى. بولاشاقتا كەڭ كولەمدى ماسسالىق ساحنالاردى تۇسىرە المايتىنىمىزدى تۇسىندىك. بۇل ورايدا مەن ەرنار نۇرعاليەۆكە حابارلاسىپ، فيلم جۇمىستارىن جالعاستىردىق. پاندەميا ءتۇسىرىلىم جۇمىستارىنا كوپتەگەن وزگەرىستەر ەنگىزدى، ءتۇسىرىلىم الاڭىندا قاۋىپسىزدىك شارتتارىن ساقتادىق"، دەيدى كارتينانىڭ باس پروديۋسەرى ماكسيم اكباروۆ.

اتالعان فيلم الماتى، الماتى وبلىسىندا جانە "التىن ەمەل" ۇلتتىق ساياباعىندا ءتۇسىرىلدى. جاقىن ارادا ءتۇسىرىلىم توبى بىرىككەن اراب امىرلىگىندە بارىپ، كينوعا قاجەتتى ماتەريالداردى جيناقتاپ، كينو مونتاجىنا كىرىسەدى.

فيلمگە ايباسوۆ جاندوس، ەربول سەمكۋلوۆ، ەرىك جولجاقسىنوۆ، كارينا كۋدەكوۆا سىندا اكتەرلەر ءتۇستى. فيلمگە قازاق تىلىندە دۋبلياج جاسالادى. پروكاتتىق رەيتينگ 12+ جاس.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز