ەلوردا • 25 قاراشا، 2020

"جۇمىسپەن قامتۋدىڭ جول كارتاسى" اياسىندا 15 مىڭنان استام جۇمىس ورنى قۇرىلدى

7 رەت كورسەتىلدى

ەلوردادا "جۇمىسپەن قامتۋدىڭ جول كارتاسى" باعدارلاماسى اياسىندا جاڭا جۇمىس ورىندارىن قۇرۋ جوسپارى ارتىعىمەن ورىندالدى. 15 253 بوس جۇمىس ورنىن اشۋ جوسپارلانىپ، 15 607 جۇمىس ورنى قۇرىلدى، ونىڭ ىشىندە 7 926 ادام جۇمىسپەن قامتۋ ورتالىعى ارقىلى جۇمىسقا ورنالاستىرىلدى، دەپ حابارلايدى Egemen.kz

"ەلوردا تۇرعىندارى ءتۇرلى سالالارداعى قۇرىلىسپەن بايلانىستى 151 ينفراقۇرىلىمدىق جوبالار بويىنشا جۇمىسقا تارتىلدى. جۇمىسپەن قامتۋدىڭ جول كارتاسى بويىنشا ەڭ كوپ سۇرانىسقا يە جۇمىس ورىندارى – بارلىق ساناتتاعى ەلەكتريكتەر، دانەكەرلەۋشىلەر، سلەسارلار، جۇرگىزۋشىلەر. قازىرگى ۋاقىتتا 45 جوبا بويىنشا جۇمىس اياقتالدى. وسى جوبالاردى ىسكە اسىرعان مەردىگەرلەر 1469 ادامدى تۇراقتى جۇمىسپەن قامتىدى"، دەپ حابارلادى ەلوردالىق جۇمىسپەن قامتۋ ورتالىعى.

ەلوردادا جۇمىسپەن قامتۋ جول كارتاسى بويىنشا جۇمىسقا قابىلداۋ ءساۋىر ايىندا باستالدى، ويتكەنى ەنگىزىلگەن توتەنشە جاعداي مەن كارانتينگە بايلانىستى كوپتەگەن ۇيىمدار، ونىڭ ىشىندە شوب ءوز جۇمىسىن ۋاقىتشا توقتاتتى. وسى كەزەڭدە جۇمىسپەن قامتۋ ورتالىعى ونلاين رەجيمىندە جۇمىس ىستەدى. جۇمىسسىز ازاماتتار وزدەرىنىڭ تىلەكتەرىن ەسكەرە وتىرىپ، جۇمىسپەن قامتۋ ورتالىعىنا تىركەلدى. ۇمىتكەرلەر سايكەس كەلەتىن بوس جۇمىس ورىندارىن تاڭدادى، سودان كەيىن ولار جۇمىس بەرۋشىلەرمەن كەزدەسۋلەرگە جىبەرىلدى.

"ەكى اپتا سايىن تىكەلەي ەفيردە بوس ورىندار جارمەڭكەلەرى، جۇمىس بەرۋشىلەرمەن ZOOM ارقىلى دوڭگەلەك ۇستەلدەر وتكىزىلدى. جۇمىسسىز قالعان كوپتەگەن ازاماتتار وسىنداي ءىس-شارالاردىڭ ارقاسىندا جاڭا جۇمىس ورىندارىن تاۋىپ، مەملەكەتتىڭ قولداۋىن سەزىندى. جۇمىس سيپاتىنا جانە باعدارلاماعا بايلانىستى قاتىسۋشىلار 85000 – 250.000 تەڭگە كولەمىندە جالاقى الادى"، دەپ اتاپ ءوتتى جۇمىسپەن قامتۋ ورتالىعى.

جۇمىسپەن قامتۋ ورتالىعى سونىمەن قاتار جۇمىسسىزداردىڭ جۇمىسپەن قامتىلۋىن جانە ۇسىنىلعان جوبالاردا جاڭا جۇمىس ورىندارىنىڭ اشىلۋىن قاداعالايدى. ول ءۇشىن جەدەل شتاب قۇرىلعان.

"جۇمىس بەرۋشىلەر مەردىگەرلەرمەن ءوزارا بايلانىسىنا قاراي سالالار بويىنشا جوبالارعا ءبولىندى. اكىمشىلەر جۇمىسپەن قامتۋ ورتالىعى ارقىلى اشىلعان جۇمىس ورىندارىنىڭ جانە جۇمىسسىزداردىڭ سانىن باقىلاپ وتىردى. باقىلاۋ جۇمىسى باعدارلامانىڭ سوڭىنا دەيىن جالعاسادى"، دەپ اتاپ ءوتتى مەكەمە.

"جۇمىسپەن قامتۋدىڭ جول كارتاسى" مەملەكەتتىك باعدارلاماسى –پاندەميا كەزىندە جۇمىسسىزدىقتىڭ الدىن الۋعا جانە قوسىمشا جۇمىس ورىندارىن قۇرۋعا باعىتتالعان اۋقىمدى جوبا.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار