ايماقتار • 24 قاراشا، 2020

اتىراۋدا اسكەري بولىمدەر 600-گە جۋىق جاس ساربازبەن تولىقتى

70 رەت كورسەتىلدى

"باتىس" وڭىرلىك قولباسشىلىعى ءباسپاسوز قىزمەتىنىڭ مالىمەتىنشە، اسكەري بولىمدەردە  جاڭادان كەلگەن جاس ساربازدارمەن العاشقى اسكەري دايىندىق باستالدى، دەپ حابارلايدى Egemen.kz.

اسكەري بولىمدەرگە ءار ايماقتان 600-گە جۋىق بوزبالا اسكەر قاتارىنا شاقىرىلدى. جاس ساربازدارعا تاجىريبەلى وفيتسەرلەر مەن سەرجانتتار قۇرامىنان الدىن-الا وقۋ جيىنىنىڭ اكىمشىلىگى تاعايىندالدى. اكىمشىلىك قۇرامى ولارعا اسكەري قىزمەتكە  بەيىمدەلۋگە كومەكتەسىپ، اسكەري ءىستىڭ نەگىزدەرىن ۇيرەتۋدە.

"جاستاردىڭ العاشقى اسكەري دايىندىعىن جەتىلدىرۋ 24 كۇنگە سوزىلاتىن بىرنەشە كەزەڭنەن تۇرادى. وقۋ-جاتتىعۋدىڭ وسى كەزەڭىندە ساربازدار اسكەري قىزمەتتىڭ ماقساتىن مەڭگەرۋى، ءبولىمنىڭ كۇن ءتارتىبىن، رەگلامەنتى مەن اسكەري قىزمەتشىلەردىڭ، كەزەكشىلىك قىزمەتتىڭ مىندەتتەرىن جاتتايدى. سونىمەن قوسا، جەكە قارۋ-جاراق پەن اسكەري تەحنيكانىڭ جالپى قۇرىلىمىن، جاۋىنگەرلىك مۇمكىندىكتەرىن، دەنە شىنىقتىرۋ جاتتىعۋلارىن ورىنداۋدى مەڭگەرۋى كەرەك" دەيدى جاس ساربازدار جيىنىنىڭ باستىعى، مايور رينات شاريپوۆ.

اتىراۋ گارنيزونىنىڭ اسكەري بولىمىنە بولاشاق بارلاۋشىلار شاقىرىلعان. ىرىكتەۋ كەزىندە ولاردىڭ بارلىعى مۇقيات مەديتسينالىق جانە پسيحولوگيالىق ىرىكتەۋدەن ءوتتى.

"مەن اسكەرگە ءوز قالاۋىممەن كەلدىم. بارلاۋ بولىمىنە تۇسكەنىمىزگە وتە قۋانىشتىمىز. ساربازدار اتىس، تاكتيكالىق جاتتىعۋلار مەن كەشەندى دەنە دايارلىعىن باستالۋىن تاعاتسىزدانا كۇتۋدە. كومانديرلەر مەن نۇسقاۋشىلار ءبىزدى بارىنە كەزەڭ-كەزەڭىمەن دايىنداپ جاتىر. بۇل جەردە ءبىز ءۇشىن بارلىق جاعدايلار قاراستىرىلعان"، دەيدى قاتارداعى جاۋىنگەر ايبار وماروۆ.

جاس ساربازدار تۇڭعىش پرەزيدەنتى كۇنى – 1 جەلتوقساندا اسكەري انت قابىلدايدى.

 

سوڭعى جاڭالىقتار

ۇقساس جاڭالىقتار