بۇل تۋرالى ولار الماتى قالاسىنىڭ باس سانيتارلىق دارىگەرى جانداربەك بەكشيننىڭ جەرگىلىكتى كاسىپكەرلەر پالاتاسىنىڭ الاڭىندا وندىرىستىك كومپانيالاردىڭ كاسىپكەرلەرىمەن كەزدەسۋى بارىسىندا ايتتى. كاسىپكەرلەر سۇراقتاردى تىكەلەي قويىپ, قاۋلىلاردىڭ تالاپتارىن ورىنداۋ كەزىندە تۋىندايتىن ماسەلەلەردى تالقىلادى.
– ماشينا جاساۋ كاسىپورىندارىنىڭ باسشىلارى ماسەلەلەرگە وتە بايسالدى جانە دۇرىس قارايدى. سونىمەن قاتار ءوز ارىپتەستەرىنىڭ جۇمىسىن ساقتاۋ ءۇشىن كۇرەسەدى. بۇگىن بىزدە ءبىر ماڭىزدى ماسەلە بار: ءسىزدىڭ سوڭعى قۇجاتتارىڭىزدا الدىمەن شتات سانىنىڭ 30%-ىن قاشىقتان جۇمىس ىستەۋگە اۋىستىرۋ, كەيىن 50%-عا دەيىن كوتەرۋ تۋرالى ايتىلدى. ءبىزدىڭ سالا – اۋىر ونەركاسىپ. ءبىز ءۇشىن 30% – مۇمكىن ەمەس كورسەتكىش, كەڭسە قىزمەتكەرلەرىنىڭ 10%-ىن قاشىقتان جۇمىس ىستەۋگە اۋدارا الامىز جانە سولاي ىستەيمىز. بىراق وتە قيىن. مۇنى ونەركاسىپتىك كاسىپورىندارعا قاتىستى ەسكەرۋىڭىزدى سۇرايمىز. قالعانىنىڭ بارىنە دايىنبىز, كومەكتەسۋگە دە دايىنبىز, بارلىق تالاپتاردىڭ ساقتالۋىن قامتاماسىز ەتەتىن بولامىز, – دەدى قازاقستان ماشينا جاساۋشىلار وداعى باسقارماسىنىڭ مۇشەسى پاۆەل بەكلەميشەۆ.
جانداربەك بەكشين قاشىقتان جۇمىس ىستەۋ فورماتى كاسىپورىنداعى قىزمەتكەرلەردىڭ شوعىرلانۋىن ازايتۋعا عانا ەمەس, سونىمەن قاتار قوعامدىق كولىكتى, اسىرەسە قاربالاس ۋاقىتتا, باسەڭدەتۋگە دە مۇمكىندىك بەرەتىنىن اتاپ ءوتتى. ونەركاسىپ كاسىپورىندارىنا كەلەتىن بولساق, اكىمشىلىك قىزمەتكەرلەر مەن ۇيدەن جۇمىس ىستەي الاتىنداردىڭ بارلىعىن قاشىقتان جۇمىس ىستەۋگە اۋىستىرۋ قاجەت.
