بۇعان دەيىن G20 ەلدەرىنىڭ قارجى مينيسترلەرى الەمنىڭ ەڭ كەدەي ەلدەرى ءۇشىن قارىزدىق تولەمدەردى توقتاتۋ باستاماسىن التى ايعا – 2021 جىلدىڭ ساۋىرىنە دەيىن ۇزارتۋعا كەلىستى.
"G20 قارىزدىق قىزمەتتى توقتاتا تۇرۋ باستاماسىن التى ايعا ۇزارتتى جانە قارىزبەن جۇمىس ىستەۋدىڭ جالپى سحەماسىن قابىلدادى. ءبىز بۇل قادامداردى قۇپتايمىز, بىراق كوپ نارسە ىستەۋ كەرەك. مەن 2021 جىلدىڭ سوڭىنا دەيىن ودان ءارى ۇزارتۋدى جانە ەڭباستىسى, باستامانىڭ اياسىن بارلىق دامۋشى جانە ورتاشا تابىسى بار مۇقتاج ەلدەرگە كەڭەيتۋدى تالاپەتەمىن", دەدى گۋتەرريش ءباسپاسوز كونفەرەنتسياسىندا.
ونىڭ ايتۋىنشا, "قارىزدىڭ اشىقتىعى مەن تۇراقتىلىعىن ارتتىرۋ ءۇشىن عالامدىق ارحيتەكتۋرانى قۇرۋ قاجەت".
"بانكروتتىقتان بولاتىن دومينو ەففەكت جاھاندىق ەكونوميكانى بۇزۋى مۇمكىن. ءبىز COVID پاندەمياسىنىڭ قارىز پاندەمياسىنا الىپ كەلۋىنە جول بەرە المايمىز", دەدى بۇۇ باس حاتشىسى.
G20 ءسامميتى 21-22 قاراشادا ونلاين رەجيمىندە وتەدى, ونىڭ تاقىرىبى كوروناۆيرۋس پاندەمياسى, كليماتتى قورعاۋ, قارجى ساياساتى جانە الەمدىك ەكونوميكا مەن ساۋدانى دامىتۋ, افريكانى قولداۋ.
سامميت جۇمىسىنا گۋتەرريش قاتىسادى دەپ كۇتىلۋدە.
