جانكۇيەرلەر 61 كيلو سالماقتىڭ باس جۇلدەسى ءۇشىن تارتىس قوس قۇرداس – نۇريسلام ساناەۆ پەن راسۋل قاليەۆ اراسىندا ءوربيدى دەپ بولجادى. ەكەۋىنىڭ دە جاسى 29-دا. الايدا الەم چەمپيوناتىنىڭ ەكى دۇركىن جۇلدەگەرى, ازيا چەمپيونى العاشقى اينالىمداردىڭ بىرىندە ويدا-جوقتا ەسىمى كوپشىلىككە بەيمالىم مۇحتار سەيىتوۆتەن ۇتىلدى.
ال سارى قۇرلىقتا قارسىلاس شاق كەلتىرمەي, ازيا ويىندارىندا كۇمىس مەدالدى موينىنا ىلگەن راسۋل قاليەۆ جارتىلاي فينالدا ادلان اسقاروۆقا جول بەردى.
اقتىق سىندا سالامات مالىكوۆكە سان سوقتىرعان ادلان ەل چەمپيونى اتاندى. ەندى وسى ايقىن جەڭىستەن كەيىن بۇل سپورتشىنىڭ ءار قادامىن قىراعى ماماندار ءجىتى قاداعالايتىنى انىق. سەبەبى, بۇعان دەيىن ول جاسوسپىرىمدەر مەن جاستار اراسىنداعى جانە 23 جاسقا دەيىنگى بالۋاندار اراسىنداعى الەم بىرىنشىلىكتەرىندە جۇلدە الدى. بىراقتار حالىقارالىق جارىستاردا ولجا سالدى. مىنە, ەندى جاسى 20-دان ەندى اسقان اسقاروۆ ەرەسەكتەر دۋىندا قارسىلاس شاق كەلتىرمەدى.
قازاقستان چەمپيوناتىنىڭ قولا مەدال راسۋل قاليەۆ پەن ازات وگاننيسيانعا بۇيىردى.
