كونكۋرس كوميسسياسىنىڭ قۇرامىنا پارلامەنت سەناتىنىڭ دەپۋتاتتارى ب.جۇماعۇلوۆ, د. نۇرجىگىت, "قازاقستاننىڭ ازاماتتىق اليانسى" زتب پرەزيدەنتى جانە كوممەرتسيالىق ەمەس, كورپوراتيۆتىك جانە بيزنەس سەكتورىنىڭ وكىلدەرى قاتىستى.
مينيستر ا.بالاەۆا ءوز سوزىندە: "ۇكىمەتتىك ەمەس ۇيىمدارعا ارنالعان سىيلىقاقى - بۇل 2017 جىلدان باستاپ مەملەكەت تاراپىنان كورسەتىلەتىن قولداۋ تەتىگى ەكەندىگىن اتاپ ءوتتى. جىل سايىن سىيلىقتار ۇەۇ-عا رەسپۋبليكالىق, سالالىق جانە وڭىرلىك دەڭگەيلەردە الەۋمەتتىك ماسەلەلەردى شەشۋگە قوسقان ۇلەسى ءۇشىن 15 باعىت بويىنشا بەرىلەدى. ايتا كەتۋ كەرەك, وسى جىلدار ىشىندە سىيلىقتى 185 ۇكىمەتتىك ەمەس ۇيىم الدى", دەپ ايتىپ ءوتتى.
كونكۋرستىق كوميسسيانىڭ وتىرىسىنا 1 كەزەڭدە ازاماتتىق قوعام وكىلدەرى, باق, قوعام قايراتكەرلەرىنەن قۇرىلعان جۇمىس توبىنىڭ 63 تاۋەلسىز ساراپشىسىمەن قارالعان 109 ءوتىنىم بويىنشا الدىن الا باعالاۋ قورىتىندىلارى شىعارىلدى.
ناتيجەسىندە كونكۋرستىق كوميسسيا مۇشەلەرى ۇەۇ سىيلىقاقىنى 38 جەڭىمپازىنا بەرۋ تۋرالى شەشىمدى قولدادى. ولاردىڭ ەسىمدەرى اعىمداعى جىلدىڭ 27 قاراشاسىندا وتەتىن IX ازاماتتىق فورۋمنىڭ جابىلۋىندا ايتىلاتىن بولادى.
سونداي-اق, ايدا بالاەۆا سىيلىقاقى بەرۋدىڭ مەحانيزمىن جەتىلدىرۋ, ىرىكتەۋدىڭ ناقتى كريتەريلەرىن انىقتاۋ قاجەتتىلىگىن ايتتى.
