قازاقستاندىقتار ەلەكتروندى ەڭبەك بيرجاسىنداعى (ەەب) «جەكە كابينەتىندە» جۇمىس ىزدەپ جۇرگەن ادام رەتىندە ەسەپكە تۇرا الادى, مەملەكەت سۋبسيديالايتىن بوس جۇمىس ورىندارىن ءوز بەتىنشە تاڭداي الادى جانە كوپتەگەن قىزمەتكە قول جەتكىزەدى. اتالعان قىزمەتتەردى ونلاين-رەجىمدە الۋ ءۇشىن ەلەكتروندى تسيفرلى قولتاڭبانى پايدالانا وتىرىپ, ەەب-دا تىركەلۋ قاجەت.
«ەلەكتروندى ەڭبەك بيرجاسىنداعى قاناتقاقتى جوبا جۇمىسسىزداردى تىركەۋ راسىمدەرىن جەڭىلدەتۋ جانە جۇمىسپەن قامتۋدى قولداۋ بويىنشا مەملەكەتتىك قىزمەتتەردى, ونىڭ ىشىندە جۇمىسىنان ايىرىلۋ بويىنشا الەۋمەتتىك تولەمدەردى الۋدى جەڭىلدەتۋ ءۇشىن ىسكە قوسىلدى. ەندى بارلىعىن تەك ينتەرنەت, كومپيۋتەر جانە ەلەكتروندى تسيفرلى قولتاڭبانىڭ كومەگىمەن جاساۋعا بولادى», دەيدى «ەڭبەك رەسۋرستارىن دامىتۋ ورتالىعى» اق پرەزيدەنتى داۋلەت ارعىندىقوۆ.
ينتەرنەت نەمەسە كومپيۋتەر بولماعان جاعدايدا قىزمەتتەردى حالىقتى جۇمىسپەن قامتۋ ورتالىعىندا وزىنە-ءوزى قىزمەت كورسەتۋ ايماعىن پايدالانا وتىرىپ الۋعا بولادى. بۇل ازاماتتارعا حجقو مامانىنا قابىلداۋعا كەزەك كۇتپەۋگە جانە COVID-19 ىندەتى جاعدايىندا فيزيكالىق بايلانىستاردى ازايتۋعا مۇمكىندىك بەرەدى.
«قىزمەت تولىقتاي اۆتوماتتاندىرىلعان. بۇل دەگەنىمىز, ەگەر پورتال ءۇش جۇمىس كۇنى ىشىندە ادامعا لايىقتى جۇمىس تابا الماسا, وندا ەلەكتروندى ەڭبەك بيرجاسى جۇمىسسىز رەتىندە اۆتوماتتى تۇردە تىركەيدى. وسىلايشا, ادام فاكتورى تولىعىمەن الىنىپ تاستالادى», دەيدى د.ارعىندىقوۆ.
«جەكە كابينەتتە» قازاقستاندىقتار وزدەرىنىڭ تىركەلۋ كەزەڭدەرىن قاداعالاي الادى. جۇمىسسىز مارتەبەسىن العاننان كەيىن ازاماتتار ونلاين-رەجىمدە ەەب-دا جۇمىسىنان ايىرىلۋ بويىنشا الەۋمەتتىك تولەمگە ءوتىنىم بەرە الادى جانە مەملەكەت سۋبسيديالايتىن جۇمىس ورىندارىن – جاستار پراكتيكاسىندا, الەۋمەتتىك جۇمىس ورىندارىندا, قوعامدىق جۇمىستاردا بوس جۇمىس ورىندارىن ءوز بەتىنشە تاڭداي الادى.
جۇمىس ىزدەپ جۇرگەن ادام جۇمىسسىز رەتىندە تىركەۋ, مەملەكەت سۋبسيديالايتىن جۇمىس ورىندارىنا جىبەرۋ, جۇمىسىنان ايىرىلۋ بويىنشا الەۋمەتتىك تولەم الۋ بويىنشا قىزمەت كورسەتۋ تۋرالى تولىعىراق ەەب پورتالىنان نەمەسە حالىقتى جۇمىسپەن قامتۋ ورتالىعىنان بىلۋگە بولادى.
