پارتيا سەزىنە وبلىستىق جانە قالالىق كونفەرەنتسيالاردان سايلانعان دەلەگاتتار جينادى. ەلدەگى ەپيدەميالىق جاعدايعا بايلانىستى كەيبىر وڭىرلەردىڭ دەلەگاتتارى سەزدىڭ جۇمىسىنا ونلاين رەجىمدە قاتىستى.
كونفەرەنتسيانىڭ كۇن تارتىبىندە «اۋىل» حالىقتىق-دەموكراتيالىق پاتريوتتىق پارتياسىنىڭ سايلاۋالدى باعدارلاماسى تالقىلاندى. پارتيانىڭ سايلاۋالدى باعدارلاماسى بويىنشا جارىسسوزدە دەلەگاتتار ءسوز سويلەدى.
بولات باگەتوۆ شەتەل ازاماتتارىنا جەردى ساتۋ مەن جالعا بەرۋگە تىيىم سالۋ, اۋىل ينفراقۇرىلىمىن دامىتۋ تۋرالى, يۋري كوماروۆ فەرمەرلەرگە نەسيە مولشەرلەرىن تومەندەتۋ, ازىق-ت ۇلىك قاۋىپسىزدىگى, اۋىلشارۋاشىلىق تاۋار وندىرۋشىلەرىن قوسىمشا قۇن سالىعىنان بوساتۋ قاجەتتىلىگى تۋرالى بايانداما جاسادى. ءوز كەزەگىندە داۋرەن قۋات مەملەكەتتىك ءتىلدىڭ ءرولىن ارتتىرۋعا باسا نازار اۋدارا وتىرىپ, ۇلتتىق قۇندىلىقتاردى جاڭعىرتۋ, ەلدى مەكەندەردى قازاقشا قايتا اتاۋ, سونداي-اق «قازاق حالقىنىڭ قۇندىلىقتارىن قورعاۋ تۋرالى» زاڭعا باستاما جاساۋ تۋرالى ويلارىن ورتاعا سالدى. داۋلەتكەرەي كاپ ۇلى بولسا, قانداستار ماسەلەلەرى, سونىڭ ىشىندە قانداستاردى الەۋمەتتەندىرۋ مەملەكەتتىك باعدارلاماسىن قابىلداۋ قاجەتتىلىگى, ازاماتتىق الۋ راسىمدەرىن جەڭىلدەتۋ جانە ت. ب. تۋرالى ۇسىنىستارىن جەتكىزدى.
«بالالار كاپيتالىن» ەنگىزۋ بولىگىندە جاڭا الەۋمەتتىك ساياساتتى ەنگىزۋ قاجەتتىلىگى (مارتەبەسىنە قاراماستان بارلىق بالالارعا 18 جاسقا دەيىن الەۋمەتتىك تولەمدەر تولەۋ) تۋرالى دەلەگات مەيرامحان جاپەكتىڭ بايانداماسى كوپشىلىك كوڭىلىنەن شىقتى.
سەزد شەشىمى بويىنشا پارلامەنت ءماجىلىسى دەپۋتاتتىعىنا كانديداتتاردىڭ پارتيالىق ءتىزىمى جاسالدى.
پارتيانىڭ كەزەكتەن تىس XVIII سەزىنىڭ دەلەگاتتارى «اۋىل» حالىقتىق-دەموكراتيالىق پاتريوتتىق پارتياسىنان پارلامەنت ءماجىلىسىنىڭ دەپۋتاتتىعىنا كانديداتتاردىڭ پارتيالىق ءتىزىمىن بەكىتتى.
