ۇلتتىق بانكتىڭ حابارلاۋىنشا, توتەنشە جاعدايعا بايلانىستى ءساۋىر ايىندا بىرقاتار بيزنەس سۋبەكتى جۇمىستارىن ۋاقىتشا توقتاتقاندىقتان, قولما-قول اقشاسىز وپەراتسيالار ءبىرشاما ازايدى. بىراق مامىر ايىنان باستاپ وپەراتسيالاردىڭ كولەمى ورتاشا ەسەپپەن اي سايىن 12 پايىزعا ءوسىپ وتىردى.
قولما-قول اقشا الۋ وپەراتسيالارى كەرىسىنشە ۇنەمى ازايىپ وتىردى. ۇلتتىق بانكتىڭ ءباسپاسوز قىزمەتى حابارلاعانداي, قولما-قول ەسەپ ايىرىسۋ كولەمى كارتوچكالارمەن جۇرگىزىلگەن وپەراتسيالاردىڭ ۇشتەن ءبىر بولىگىنەن اسپايدى.
قازىردىڭ وزىندە ينتەرنەت-بانكينگ پەن بانكتەردىڭ ءموبيلدى قوسىمشالارىندا جۇرگىزىلگەن وپەراتسيالاردىڭ, ياعني ونلاين وپەراتسيالاردىڭ ۇلەسى ۇزدىكسىز ۇلعايىپ كەلەدى. ەگەر 2019 جىلدىڭ 9 ايىندا ونلاين-وپەراتسيالار ۇلەسى 67 پايىز بولسا, بيىل 81-دان استى.
– ورتاشا ەسەپپەن العاندا 9 ايدا ونلاين تۇردە تولەم كارتوچكالارىمەن 68 ملرد تەڭگەدەن اسا قارجىعا 4 ملن ترانزاكتسيا وتكىزىلگەن. جىل باسىنان-اق ءموبيلدى بانكينگ اۋديتورياسى تىم بەلسەندى بولدى. قاڭتار ايىندا ينتەرنەت-بانكينگتى بەلسەندى قولداناتىنداردىڭ سانى 8 ملن بولسا, قىركۇيەك ايىندا ول 12 ملن-عا جەتتى, – دەيدى ۇلتتىق بانكتىڭ ءباسپاسوز قىزمەتى.
ءجيى قولدانىلاتىن تولەم كارتوچكالارىنىڭ سانى 25 ملن. بۇل كارتوچكانىڭ بارلىعىنىڭ يەلەرى قىركۇيەك ايىندا ونلاين-تولەم جۇرگىزىپ قانا قويماي, قولما-قول اقشانى شەشۋ ءۇشىن دە قولداندى. جالپى, جىل باسىنان بەرى 9 ايدا قازاقستاندىق بانكتەر 12 ملن تولەم كارتوچكاسىن شىعاردى. قولما-قول ەسەپ ايىرىسۋدىڭ ازايعانىنا بانكتەردىڭ كارتوچكا شىعارۋ, ونى يەلەرىنە جەتكىزىپ بەرۋ سىندى سەرۆيستەرىنىڭ جاقسارعانى, سونىمەن قاتار ءموبيلدى قوسىمشالارىنداعى كورسەتىلەتىن قىزمەتتىڭ كەڭەيگەنى سىندى فاكتورلار ىقپال ەتتى.
