ەۋرازيالىق ەكونوميكالىق كوميسسيا (ەەك) القاسى قحر-دان اكەلىنەتىن جۇك شينالارىنا قاتىستى دەمپينگكە قارسى شارانىڭ كۇشىن 2021 جىلعى تامىزعا دەيىن ۇزارتۋ تۋرالى شەشىم قابىلدادى.
قولدانىستاعى شارا 2020 جىلعى 17 جەلتوقساندا اياقتالۋعا ءتيىس بولاتىن. الايدا ەەك-ءتىڭ ىشكى نارىقتى قورعاۋ دەپارتامەنتىنە بەلگىلەنگەن مەرزىمدە قايتادان دەمپينگكە قارسى تەرگەپ-تەكسەرۋ جۇرگىزۋ تۋرالى ءوتىنىش ءتۇستى. قۇجاتتاردا ۇسىنىلعان مالىمەتتەر دەمپينگتىك يمپورتتى جالعاستىرۋ مۇمكىندىگى تۋرالى, سونداي-اق ەگەر دەمپينگكە قارسى شارانىڭ كۇشى توقتاتىلاتىن بولسا, ەاەو مەملەكەتتەر ەكونوميكاسىنا نۇقسان كەلۋى جايىندا الدىن الا تۇجىرىم جاساۋعا مۇمكىندىك بەردى. ءوتىنىشتى قاراۋ ناتيجەلەرى بويىنشا 2020 جىلعى 19 تامىزدا قايتادان تەرگەپ-تەكسەرۋ باستالدى.
دەمپينگكە قارسى شارا كۇشىنىڭ ءوتۋ مەرزىمىن نازارعا الا وتىرىپ, سونداي-اق قايتادان دەمپينگكە قارسى تەرگەپ-تەكسەرۋ 12 اي ىشىندە اياقتالۋعا ءتيىس ەكەندىگى ەسكەرىلە كەلىپ, شارانىڭ قولدانىلۋىن قوسا العاندا 2021 جىلعى 18 تامىزعا دەيىن ۇزارتۋ ۇيعارىلدى.
