زاڭ جوباسىن قر مەملەكەتتىك قىزمەت ىستەرى اگەنتتىگىنىڭ ءتورايىمى انار جايىلعانوۆا وقىدى.
"زاڭ جوباسى مەملەكەت باسشىسىنىڭ جاۋاپتى حاتشىلار ينستيتۋتىن تاراتۋ تۋرالى تاپسىرماسىن ىسكە اسىرۋ ماقساتىندا ازىرلەندى. قازىرگى ۋاقىتتا جاۋاپتى حاتشىلاردى پرەزيدەنت تاعايىندايدى. ولار تيىسىنشە جوعارى مارتەبەگە يە. وسى تۇزەتۋلەر قابىلدانعاننان كەيىن ولاردىڭ مىندەتتەرى اپپارات باسشىلارىنا جۇكتەلەدى. اپپارات باسشىلارىن مينيسترلەر تاعايىندايدى, ولارعا ەسەپ بەرۋگە مىندەتتەلەدى", دەدى انار جايىلعانوۆا پارلامەنت ءماجىلىسىنىڭ وتىرىسىندا.
ونىڭ ايتۋىنشا وسىعان بايلانىستى "قر ۇكىمەتى تۋرالى" كونستيتۋتسيالىق زاڭىنان جاۋاپتى حاتشىلاردىڭ مارتەبەسى مەن وكىلەتتىگىن رەتتەيتىن نورمالاردى الىپ تاستاۋ جانە ولاردى "مەملەكەتتىك قىزمەت تۋرالى" زاڭدا اپپارات باسشىلارىنا بەكىتۋ ۇسىنىلادى. زاڭ جوباسى تالقىلانعاننان كەيىن دەپۋتاتتار بداۋىس بەرىپ, ونىڭ قورىتىندىسى بويىنشا زاڭ جوباسى ءبىرىنشى وقىلىمدا ماقۇلداندى.
