ۇكىمەت • 14 قاراشا، 2020

اسقار مامين ەلوردادا تۇرعىن ءۇي قۇرىلىسىنىڭ بارىسىن تەكسەردى

8 رەت كورسەتىلدى

پرەمەر-مينيستر اسقار مامين ەلوردانىڭ جاڭا شاعىن اۋدانىندا "نۇرلى جەر" باعدارلاماسى اياسىندا سالىنىپ جاتقان الەۋمەتتىك تۇرعىن ءۇي قۇرىلىسىنىڭ بارىسىن تەكسەردى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

بىرنەشە جىل ىشىندە مۇندا جالپى اۋدانى 1،9 ملن شارشى مەتر بولاتىن 35 مىڭ پاتەرلىك تۇرعىن ءۇي كەشەندەرى سالىنادى. قازىرگى تاڭدا 200 مىڭ شارشى مەتر (4073 پاتەر) اۋدانىمەن تۇرعىن ءۇي قۇرىلىسى جۇرگىزىلىپ جاتىر، وندا 1000-نان استام ادام جۇمىس ىستەۋدە، جۇمىس ءىرى پانەلدى ءۇي قۇرىلىسى سالاسىنداعى وزىق ازىرلەمەلەردى قولدانا وتىرىپ، ەكى اۋىسىمدا اتقارىلىپ جاتىر. تۇرعىن ءۇي كەشەندەرىنىڭ ءبىرىنشى كەزەگى بيىل پايدالانۋعا بەرىلەدى.

ۇكىمەت باسشىسى بارلىق قۇرىلىس جۇمىستارىن ساپالى ورىنداپ، نىسانداردى جوسپارلانعان مەرزىمدە پايدالانۋعا بەرۋدى تاپسىردى.

2020 جىلدىڭ 10 ايىندا نۇر-سۇلتان قالاسىندا 2 ملن شارشى مەتردەن استام تۇرعىن ءۇي پايدالانۋعا بەرىلدى. وسى جىلدىڭ سوڭىنا دەيىن قولجەتىمدى باسپانادان 8 مىڭعا جۋىق پاتەر قوسىمشا پايدالانۋعا بەرىلەدى. ونىڭ ىشىندە 966 پاتەر جالدامالى تۇرعىن ءۇي ءۇشىن (616 – از قامتىلعان وتباسىلارعا، 350 – جۇمىس ىستەيتىن جاستارعا)، 1000 پاتەر مۇعالىمدەر، دارىگەرلەر، پوليتسيا، ورتكە قارسى قىزمەت قىزمەتكەرلەرى، مادەنيەت جانە سپورت سالاسىنىڭ ماماندارى ءۇشىن ساتىپ الىنادى. 2021 جىلى ەلوردادا 10 مىڭعا جۋىق الەۋمەتتىك تۇرعىن ءۇي پاتەرىن پايدالانۋعا بەرۋ كوزدەلگەن.    

قازاقستاندا 2020 جىلدىڭ قورىتىندىسى بويىنشا جالپى اۋدانى 15 ملن شارشى مەتر بولاتىن 150 مىڭ تۇرعىن ءۇيدى پايدالانۋعا بەرۋ جوسپارلانعان. قر-دا جالعا بەرىلەتىن جانە نەسيەلىك پاتەرلەرمەن حالىقتىڭ الەۋمەتتىك وسال توپتارى، جاستار، بيۋدجەتتىك ۇيىمداردىڭ قىزمەتكەرلەرى قاتارىنان 35 مىڭنان استام وتباسى قامتاماسىز ەتىلەدى.

ينسپەكتسيالىق ساپارعا پرەمەر-ءمينيستردىڭ ورىنباسارى ر. سكليار، نۇر-سۇلتان قالاسىنىڭ اكىمى ا.كولگىنوۆ، يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق.وسكەنباەۆ جانە ت. ب. قاتىستى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار