رۋحانيات • 13 قاراشا، 2020

الماتىدا كوروناۆيرۋسپەن كۇرەسكە ارنالعان فوتوكورمە اشىلدى

74 رەت كورسەتىلدى

الماتىدا 12 قاراشا كۇنى قالانىڭ وڭىرلىك كوممۋنيكاتسيالار قىزمەتى​ ۇيىمداستاستىرعان، تۇرعىنداردىڭ جۇمىستارى قويىلعان فوتوكورمە اشىلدى. مۇنىڭ الدىندا قالا تۇرعىندارى مەن قوناقتارى COVID-19-بەن كۇرەستى ناسيحاتتاۋ جونىندەگى الەۋمەتتىك جوباعا قاتىسۋعا شاقىرىلعان ەدى، دەپ حابارلايدى Egemen.kz.

فوتوكورمەدە الماتىلىقتاردان ارنايى كومميسيا تاڭداپ العان 10 فوتوجۇمىس پەن گرافيكالىق سۋرەت قويىلعان. ارنايى كومميسيا قۇرامىنا الماتى قالاسىنىڭ​ مادەنيەت باسقارماسىنىڭ كونتسەرتتىك ءبولىمىنىڭ باسشىسى اينۇر باجەنوۆا، ەۋرازيا مادەني اليانسى ديرەكتورىنىڭ ورىنباسارى ولگا ۆەسەلوۆا، جەكە، اۋديوۆيزۋالدى جانە فوتو قۇجاتتاردى جيناقتاۋ ءبولىمىنىڭ مۇراعاتشىسى ​ اليم حايداروۆ كىردى.

ءاربىر جۇمىستا COVID-19-بەن كۇرەس كورىنىس تاپقان: مەديتسينا قىزمەتكەرلەرىنىڭ، ەپيدەميولوگتاردىڭ، پوليتسيانىڭ، ەرىكتىلەردىڭ جۇمىس كادرلارى مەن الماتىلىقتاردىڭ پاندەميامەن كۇرەستەگى ءوز كوزقاراستارى بەينەلەۋ تۇرىندە بەرىلگەن.

جوبانىڭ باستى ماقساتى – كوروناۆيرۋستىڭ بولۋى ىقتيمال جاڭا تولقىنى قارساڭىندا سانيتاريا نورمالارىن، اسىرەسە ماسكا تاعۋ رەجيمىن ۇستانۋدىڭ ماڭىزدىلىعىن، پاندەميامەن كۇرەستە الدىڭعى شەپتە تابىلاتىن جانداردىڭ (مەديتسينا قىزمەتكەرلەرى، ەپيدەميولوگتار، پوليتسيا، ەرىكتىلەر ت.ب.) جۇمىسىنىڭ قۇندىلىعىن تۇرعىنداردىڭ ەسىنە سالۋ.

1

"وسى فوتوكورمەنى ءبىرىنشى تولقىننىڭ قالاي وتكەنى اياسىندا ۇيىمداستىرا وتىرىپ، ءبىز قالا تۇرعىندارىن الدىن الۋ شارالارىن كۇشەيتۋگە شاقىرعىمىز كەلدى. بەتپەردە تاعىپ، الەۋمەتتىك قاشىقتىقتى ساقتاۋ ارقىلى ءاربىر ادام قالانىڭ COVID-19-بەن جالپى كۇرەسىنە ۇلكەن ۇلەس قوسادى. جالپىعا ورتاق شارالاردىڭ ارقاسىندا دارىگەرلەر مەن مەديتسينا قىزمەتكەرلەرىنە جۇكتەلگەن كۇش ازايىپ، جۇقتىرۋ سانى ازايۋى مۇمكىن"، - دەپ اتاپ ءوتتى وڭىرلىك كوممۋنيكاتسيالار قىزمەتىندە.

بۇل جوباعا قاتىسۋعا​ ىقىلاس بىلدىرگەن كەز كەلگەن ادامنىڭ مۇمكىندىگى بولدى، ول ءۇشىن ونىڭ قالانىڭ كوروناۆيرۋسپەن كۇرەسىن ءوز كوزقاراسى تۇرعىسىنان بەرگەن​ 5 فوتوسۋرەت نەمەسە باسقا دا گرافيكالىق سۋرەتتى (كاريكاتۋرا، يلليۋستراتسيا) جىبەرۋى كەرەك بولاتىن. ەڭ باستى شارت ەرەكشە كونتەنت قولدانۋ بولاتىن.

1

ء"فوتوتىلشى رەتىندە مەن كوروناۆيرۋسپەن بايلانىستى جاعدايدى العاشقى كۇندەردەن باستاپ تۇسىرە باستادىم. قىزىق بولدى، كەيدە ءتىپتى قورقىنىشتى بولدى. بوس قالا، بلوكبەكەتتەر، اسىعىپ بارا جاتقان جەدەل جاردەم كولىكتەرىنىڭ سيرەناسى جانە ت.ب. الايدا جۇمىس وقيعا ورنىندا بولۋىمدى قاجەت ەتتى، ونسىز حالىقتىڭ نەگىزگى بولىگىنە ولاردىڭ ءوز قالالارىندا نە بولىپ جاتقانىن كورسەتۋ مۇمكىن بولماس ەدى. ونداي جۋرناليستەر كوپ، ءبارى كەز كەلگەن ساتتە رەپورتاجعا بارۋعا دايىن بولدى، جانە وسى فوتوكورمە دەر كەزىندە قولعا الىنعان"، - دەدى فوتوكورمەگە قاتىسۋشى، جۇمىستاردىڭ اۆتورى ولەگ سپيۆاك.

ءوز كەزەگىندە فوتوكورمەنىڭ باسقا قاتىسۋشىسى تالعات گاليموۆ ءوزىنىڭ جۇمىستارى ارقىلى قالا تۇرعىندارىن جاۋاپتى بولىپ، قاۋىپسىزدىك شارالارىن ساقتاۋعا شاقىرعىسى كەلگەنىن اتاپ ءوتتى.

1

"مەن ادامدارعا پاندەميا مەن كارانتين كەزىندە ءوزىمىزدى قالاي ۇستاۋىمىز كەرەكتىگىن كورسەتكىم كەلدى. ەڭ باستىسى - وسىنداي قيىن كەزدە ادامدار ءبىر-بىرىنە قۇرمەت كورسەتۋدى ۇمىتپاي، بىرىنە-ءبىرى قامقور بولۋلارى كەرەك. ادامداردىڭ وسى دەرتكە قاتىستى دۇنيەتانىمدارى كەڭەيىپ، كوبىرەك جاۋاپكەرشىلىك تانىتىپ، قاۋىپسىزدىك شارالارىن ۇستانسا: قاشىقتىقتى ساقتاپ، بەتپەردە كيىپ جۇرسە دەگىم كەلەدى. سەبەبى بىزدەن باسقا مۇنى ەشكىم جاسامايدى. ەگەر وسىنى ۇستانباساق، ءبارىمىز اۋىرىپ قالامىز"، - دەدى تالعات گاليموۆ.

الماتى اكىمدىگى الەمدەگى ەپيدەميالىق جاعدايدىڭ ۋشىعا تۇسكەنىن ەسكەرە وتىرىپ، قالا تۇرعىندارىن الدىن الۋ شارالارىن قاتاڭ ساقتاۋعا جانە سانيتارلىق-ەپيدەميالىق شارالاردى ۇستانۋعا شاقىرادى.

ل

جىلجىمالى فوتوكورمە قالانىڭ ءار اۋدانىندا 12-قاراشادان 19-قاراشاعا دەيىن ساعات​ 10:00-20:00 ارالىعىندا وتەتىن بولادى:

13 قاراشا - الاتاۋ اۋدانى، "الاتاۋ" ساۋدا ورتالىعى،​ رىسقۇلوۆ داڭعىلى، 103/3;

14 قاراشا - اۋەزوۆ اۋدانى، "GRAND PARK" ساۋدا ورتالىعى،​ قابدولوۆ كوشەسى، 1;

15 قاراشا - تۇركسىب اۋدانى، "MART" سوو،​ ريحارد زورگە كوشەسى، 18/4;

16 قاراشا - جەتىسۋ اۋدانى، "MAXIMA" سوو، رايىمبەك داڭعىلى، 239گ;

17 قاراشا - بوستاندىق اۋدانى، "ATAKENT MALL" سوو، تيميريازەۆ كوشەسى، 42 ك3;

18 قاراشا - المالى اۋدانى، "تسۋم" ساۋدا ءۇيى،​ ابىلاي حان داڭعىلى، 62/​ جىبەك جولى داڭعىلى، 85;

19 قاراشا - ناۋرىزباي اۋدانى، ناۋرىزباي اۋدانىنىڭ حقكو، شۇعىلا​ شاعىن اۋدانى، 347/1.

5

جۇمىستار سونداي-اق قالانىڭ سامال 2 شاعىن اۋدانى، 111 مەكەنجايىنداعى (مەدەۋ اۋدانى) "DOSTYK PLAZA" سوو-نىڭ LED-ەكراندارىنان دا كورسەتىلەتىن بولادى.

سوڭعى جاڭالىقتار

ۇقساس جاڭالىقتار