ەلدىڭ تىنىشتىعىن قورعاپ, اماندىعى ءۇشىن اتسالىسادى دەپ ەسەپتەلەتىن پوليتسەيلەردىڭ وزدەرى تىكەلەي كىسى ولىمىنە سەبەپكەر بولىپ ءجۇر. سونداي ءتارتىپ ساقشىلارىنىڭ ءبىرى استانادا ءبىر ەمەس, ەكى بىردەي ادامنىڭ قازاسىنا سەبەپكەر بولدى.
ەلدىڭ تىنىشتىعىن قورعاپ, اماندىعى ءۇشىن اتسالىسادى دەپ ەسەپتەلەتىن پوليتسەيلەردىڭ وزدەرى تىكەلەي كىسى ولىمىنە سەبەپكەر بولىپ ءجۇر. سونداي ءتارتىپ ساقشىلارىنىڭ ءبىرى استانادا ءبىر ەمەس, ەكى بىردەي ادامنىڭ قازاسىنا سەبەپكەر بولدى.
ءبىر ايتاتىنى, قازا تاپقان ەكى ادامنىڭ ءبىرى جول ساقشىسى بولسا, ەكىنشىسى جۇرگىزۋشى ەكەن. مىنە, وسى ەكى ادام مىنگەن كولىككە ماس پوليتسەي وتىرعان ماشينە كەلىپ سوعىلادى. ناتيجەسىندە سالونداعى ەكى ادام دا ءجانتاسىلىم ەتەدى.
قازا تاپقان جول ساقشىسى اراق ىشكەن باسقا جۇرگىزۋشىنى ساراپتاماعا اپارا جاتىر ەكەن. سەبەبى, جول ءتارتىبىن بۇزۋشى پاترۋلدىك كولىككە مىنۋدەن باس تارتقان. سوندىقتان, پوليتسەي سونىڭ ماشيناسىنىڭ رولىنە وتىرۋعا ءماجبۇر بولعان.
وكىنىشكە قاراي, جولدا بۇلار سۇمدىق اپاتقا ۇشىرايدى. بۇلار مىنگەن BMW كولىگىن باعدارشامانىڭ قىزىل تۇسىنە ءوتىپ كەتكەن «Mercedes» كەلىپ سوعادى. باقىلاۋ كامەراسىنا تۇسكەن كادرلاردا ماس پوليتسەيدىڭ كولىگى جارىسىپ كەلە جاتقانى انىق كورىنەدى. سول جۇيتكىگەن كۇيى ول ارىپتەسى وتىرعان ماشينانىڭ تاس-تالقانىن شىعارعان.
قۇرىش نۇرىمبەت.
