ءار ادام ۇيقىنىڭ ۇشتەن ءبىر بولىگىندە ءتۇس كورەدى ەكەن. عالىمدار ءتۇس ادامنىڭ وڭىندە كورگەنىن قايتالاۋ جۇمىسىن عانا اتقارمايتىنىن ايتادى. زەرتتەۋگە سەنسەك, ءتۇس ادام اعزاسى ءۇشىن وتە ماڭىزدى. ويتكەنى ادام ۇيقىعا كەتكەندە مي كورۋ قىرتىسىنىڭ جۇمىسىن توقتاتپاي, ءتۇس كورۋ ارقىلى بەلسەندى فورمادا ۇستايدى.
كورۋ قىرتىسىنىڭ بەلسەندىلىگى تومەندەگەندە ميدىڭ بۇل بولىگى تاكتيلدى جانە دىبىستىق اقپاراتتى وڭدەۋگە كوشەدى. بىرنەشە ساعاتتا كورۋ قىرتىسى جۇمىسىن تولىقتاي وزگەرتۋگە قاۋقارلى. سول ءۇشىن مي ءتۇس كورۋ ارقىلى كورۋ قىرتىسىن جۇمىس ىستەۋگە يتەرمەلەيدى. ناتيجەسىندە ۇيقىدان تۇرعاندا كورگەن ءتۇسىمىزدىڭ باسىم بولىگىن ۇمىتىپ قالامىز.
ادەتتە ادام جىلدام ۇيقى فازاسىنا وتكەندە ءجيى ءتۇس كورەدى. بۇل ۋاقىتتا ادام اعزاسى بەلسەندى بولىپ, مي ويانۋعا دايىندالادى. بۇعان قاراماستان جىلدام ۇيقى فازاسىندا ويانۋ قيىنعا سوعادى. ادام جاسى ۇلعايعان سايىن جىلدام ۇيقى فازاسىنىڭ ۋاقىتى ازايا بەرەدى. وسىنىڭ سەبەبىنەن قارت كىسىلەر ءتۇستى سيرەك كورىپ, ۇزاق ۇيىقتاي المايدى.
جىلدام ۇيقى فازاسى ءار 100 مينۋت سايىن قايتالانادى. ءدال وسى ۋاقىتتا ءتۇستىڭ ايرىقشا ساتتەرى بولادى ەكەن. ال باياۋ ۇيقى فازاسىندا ءتۇس بولعانىمەن ادام ونى ەسىندە ساقتاي بەرمەيدى. ال ءتۇستىڭ ەستە قالۋ-قالماۋى ۇيقىنىڭ ساپاسىنا بايلانىستى ەكەن.
