باعدارلامادا پارتيا توراعاسى ن.ءا.نازارباەۆ پەن مەملەكەت باسشىسى ق.ك.توقاەۆتىڭ ەل ەكونوميكاسىن دامىتۋ جانە پاندەميا سالدارىن جەڭىلدەتۋ ارقىلى قازاقستاندىقتاردىڭ ءال-اۋقاتىن, تۇرمىس-تىرشىلىگىن جاقسارتۋعا باعىتتالعان تاپسىرمالارى مەن قالانىڭ دامۋ باعدارلاماسى نەگىزىندە جۇزەگە اسىرىلۋدا.
سونىمەن قاتار, پرايمەريزدە تۇرعىنداردان كەلىپ تۇسكەن 685 ۇسىنىستاردىڭ 98 پايىزى ورىندالىپ, ال 15 ۇسىنىس سايلاۋالدى باعدارلاماعا قوسىمشا ەنگىزىلىپ وتىر.
"سايلاۋالدى باعدارلامادا تۇرعىنداردىڭ ساپالى ءومىر ءسۇرۋى ءۇشىن نەگىزگى ماسەلەلەردى تۇيىندەپ, قالانىڭ ەكونوميكالىق-الەۋمەتتىك دامۋىنا اسا قاجەت 10 باسىمدىقتى انىقتادىق. وسى سايلاۋالدى باعدارلامانى ورىنداپ, ىسكە اسىرىلۋىنا بارشامىز ءبىر كىسىدەي اتسالىسۋىمىز قاجەت. Nur Otan پارتياسى قاشان دا بەرگەن ۋادەلەرىن ناقتى ورىنداپ كەلگەن. قالانىڭ دامۋىنا باعىتتالعان بۇل باعدارلاما سىزدەردىڭ قولداۋلارىڭىزبەن تولىق جۇزەگە اسادى دەپ كامىل سەنەمىن!", دەدى Nur Otan پارتياسى شىمكەنت قالالىق فيليالى توراعاسى مۇرات ايتەنوۆ.
كونفەرەنتسيا بارىسىندا سايلاۋالدى باعدارلاما دەلەگاتتار تاراپىنان قولداۋ تاۋىپ, ءبىراۋىزدان ماقۇلداندى.
ايتا كەتەيىك, قازىر شىمكەنت قالاسىندا 30 مىڭنان استام پارتيا مۇشەسى بار. ولار 46 باستاۋىش پارتيا ۇيىمدارىنا بىرىكتىرىلگەن.
