قىزمەت اياسى كەڭىدى

وتكەن جىلى وبلىستى بىلاي قوعاندا اقتوبە قالاسىنىڭ وزىندە كوپتەگەن دەنساۋلىق ساقتاۋ مەكەمەلەرى پايدالانۋعا بەرىلدى. ونىڭ ىشىندە ەكەۋى ەلباسىنىڭ “100 اۋرۋحانا مەن 100 مەكتەپ” باعدارلاماسى بويىنشا جىل اياعىنا تامان پايدالانۋعا بەرىلگەن. №1 قالالىق ەمحانا عيماراتى 1,3 ملرد. تەڭگەگە ءتۇستى. قىرۋار قارجى جۇمسال­عان ەمحانا قالالىقتارعا مەديتسينالىق قىزمەت كورسەتۋ ساپاسىن قان­شا­لىقتى جاقسارتتى؟ وسىنى بىلمەك نيەتپەن №1 قالالىق ەمحانا باس دارىگەرىنىڭ ەمدەۋ ىستەرى جونىندەگى ورىنباسارى تاتيانا كوندراتكوعا جولىعىپ, اڭگىمەلەسكەن ەدىك. – جاڭا عيماراتتىڭ قانداي تيىمدىلىكتەرىن كورىپ وتىرسىزدار؟ – بۇرىنعى ەسكى عيماراتتا قىسىلىپ-قىمتىرىلىپ, كەيبىر اپپاراتۋرالار بولماي, بەرەكەمىز كەتەتىن. دارىگەرگە قارالۋعا كەلگەن­دەر ساعاتتاپ كۇتىپ, تاعاتىن تاۋىساتىن, بىزدە انىقتاۋعا مۇمكىندىك بولماعاندىقتان, كەيبىر اۋرۋلاردى قالانىڭ ەكىنشى شەتىندەگى ەمحانا­لارعا جىبەرىپ, اۋرەگە تۇسەتىنبىز. سونداي-اق ءار ءتۇرلى اۋرۋلاردىڭ ارالاسىپ ءجۇرۋى دە تالاپقا ساي كەلمەيتىن. جاڭا عيمارات ەڭسەلى دە جارىق, كەڭ. وسىندا 550 بولمە, ارقايسىسى 70 ادامدىق ەكى زال بار. ەرەسەكتەر ءبولىمى 350 سىرقاتتى, بالالار ءبولىمى 150 كەلۋشىنى قابىل­داي الادى. مۇندا مەديتسينالىق تەكسەرىلۋگە قاجەتتى بولىمشە­لەر مەن قوندىرعىلار جەتكى­لىكتى. وسى زامان­عى ەكى ساندىق رەنتگەن اپپاراتى, فليۋروگرافيالىق قوندىرعى, ۋلترا دىبىس­تىق تەكسەرۋ اپپارات­تارى, باسقا قاجەتتى مەديتسينالىق قۇرالدار دارىگەرلەردىڭ ەڭبەگىن جەڭىلدەتۋمەن بىرگە, مەديتسينالىق قىزمەت ساپاسىن ارتتىرا ءتۇستى. بيوحيميا­لىق, دارەت, قان جانە باسقا ولشەمدەر بويىنشا اۋرۋدى انىقتايتىن زەرتحانالار دا يگىلىككە قىزمەت ەتۋدە. ولاردىڭ ىشىندە ءبىر ساتتە ون سەگىز كورسەتكىش بويىنشا تالداۋ جاسايتىن اپپاراتپەن جابدىق­تالعان زەرتحانانىڭ قولىمىزدى اناعۇرلىم ۇزارتقانىن ايتۋ ءلازىم. مۇنىڭ ءوزى اۋرۋلار­دىڭ بوسقا سەندەلۋىن بولدىرمايتىنى ءوز الدىنا, سىر­قاتتىڭ سىرىن تەز اشۋعا دا ىقپال ەتەدى. بارلىق ءبولىم­شە­لەر بولەك-بولەك بلوكتارعا ورنالاس­قان­دىقتان, كەلۋشى­لەردىڭ ءجۇرىپ-تۇرۋىنا دا ىڭعايلى, ءبىر دەرتپەن الىسىپ ءجۇرىپ, ەكىنشى اۋرۋدى جۇقتىرىپ الامىن دەپ قاۋىپتەنبەيدى. – ەمحانانىڭ كادرلىق قامتاماسىز ەتىلۋى قالاي؟ وسى زامانعى مەديتسينالىق اپپارات­تاردا جۇمىس ىستەيتىن مامان دارىگەرلەر بار ما؟ – جالپى ءبىزدىڭ ەمحاناعا تۇرعىندار قالا­شىعى اۋدانىنداعى 66 مىڭ تۇرعىن بەكىتىلگەن. ءبىز قازىر 81 مىڭ تۇرعىنعا مەديتسينالىق قىزمەت كورسەتىپ وتىرمىز. سەبەبى, قالا ماڭىندا ورنالاسقان قۋرايلى ەلدى مەكەنى دە بىزگە قارايدى. ونىڭ ۇستىنە ءبىزدىڭ اۋداندا 39 جاتاقحانا, 14 باراك ءۇي بار. ولاردا كوبىنە الىس اۋدانداردان كەلگەندەر تۇرادى. ولاردىڭ ءبىر-ەكەۋى عانا ەسەپكە تۇرادى, قالعاندارى ەسەپتە جوق. بىراق ءبىز ولاردى دا قامتيمىز عوي. وسىنشاما ادامعا 108 دارىگەر, 160 مەد­بيكە قىزمەت كورسەتەدى, 24 ۋچاسكەلىك تەرا­پەۆت دارىگەر, 20 ۋچاسكەلىك پەدياتر دارىگەر جۇمىس ىستەيدى. دارىگەر­لەردىڭ 17-ءسى جوعارى, 42-ءسى ءبىرىن­شى جانە ەكىنشى دارەجەلى ماماندار بولسا, مەدبي­كەلەردىڭ 42-ءسى جوعارى, 29-ى ءبىرىنشى جانە ەكىنشى دارەجەلى قىزمەتكەرلەر. جاڭادان الىنعان قون­دىر­عىلاردا جۇمىس ىستەيتىن دارىگەرلەر مەن مەد­بي­كەلەر ءىرى ­قالالارداعى ەمحانالار مەن اۋرۋحانا­لاردا تاجىريبەدەن ءوتىپ كەلدى. بۇعان دەيىن ايەل­دەردى ماممو­گرافيالىق تەكسەرۋ ءۇشىن باسقا ەم­حانا­لارعا جىبەرەتىنبىز. قازىر مۇنداي سىرقاتتاردى انىقتاۋدىڭ بارلىق مۇمكىندىگى بار, وسى زامانعى بىرەگەي قوندىرعىلاردىڭ ارقا­سىندا ەمشەك بەزى, جاتىر مويىنى قاتەرلى ىسىگى سياقتى ايەلدەر اۋرۋلارىن العاشقى ساتى­لارىندا انىقتاۋعا العىشارت جاسالدى. جالپى ەمحاناداعى بىرەگەي اپپاراتتارمەن بىلىكتى دارىگەرلەردىڭ ارقاسىندا اۋرۋدىڭ الدىن الۋ, قاتەرلى ىسىك جانە سوزىلمالى اۋرۋلاردى ەرتە انىقتاۋ جاقسارا ءتۇستى. ەمحانادا جيىرما كەرەۋەتتىك كۇندىزگى ستاتسيونارلىق ءبولىم اشۋعا مۇمكىندىك تۋدى. بۇل كەيبىر اۋرۋلاردىڭ ات سابىلتىپ تۇرعى­لىقتى اۋدانىنان قاشىقتاعى اۋرۋحانالارعا بارماي-اق, ەمحانانىڭ وزىندە ەم الۋىنا جاقسى بولدى. ەمحاناداعى تاعى ءبىر جاڭالىق – ول وسىندا امبۋلاتوريالىق-حيرۋرگيالىق ورتالىقتىڭ اشىلۋى دەر ەدىم. ورتالىقتا كوك ەتتىڭ جىر­تىلۋى, جارا سياقتى جەڭىل اۋرۋ­لارعا وپەرا­تسيا جاسالادى. ۇجىمدا بىرىڭعاي ۇلتتىق دەن­ساۋلىق ساقتاۋ جۇيەسىنە كوشۋدىڭ العاشقى قادامدارى جاسالۋدا. كەيبىر تۇر­عىن­دار بۇرىنعى ەمحانا­لارى­نان شىعىپ, بىزگە اۋىسىپ جاتىر. – ەمحاناعا جاس ماماندار قابىلداندى ما؟ – قابىلداندى, ولاردىڭ دەنى اكۋشەرلىك-گينەكولوگيالىق بولىمشەدە جۇمىس ىستەيدى. جاس دارىگەرلەرگە جوعارى دارەجەلى دارىگەر باقىتگۇل ءسۇيىنشالينا تالىمگەرلىك ەتەدى. ءبىزدىڭ ەمحانا ۇجىمى حالىققا مەديتسي­نالىق قىزمەت كورسەتۋدىڭ ساپاسىن ارتتىرۋ باعىتىندا الداعى ۋاقىتتا دا جۇيەلى جۇمىس­تار جۇرگىزە بەرەدى. ول ءۇشىن ماتەريالدىق جاعداي جەتكىلىكتى, كادرلىق قامتاماسىز ەتىلۋى دە كوڭىلدەن شىعادى. اڭگىمەلەسكەن  ساتىبالدى ءساۋىرباي. اقتوبە وبلىسى.