قوعام • 09 قاراشا، 2020

بىرقاتار وبلىستا پويىزداردىڭ ءجۇرۋ جيىلىگى قىسقاردى

42 رەت كورسەتىلدى

"جولاۋشىلار تاسىمالى" اق ءباسپاسوز قىزمەتى ەلىمىزدەگى بىرقاتار وبلىستا پويىزداردىڭ ءجۇرۋ جيىلىگى قىسقارعانىن ءمالىم ەتتى، دەپ حابارلايدى Egemen.kz

سولتۇستىك قازاقستان، اقمولا، قوستاناي جانە پاۆلودار وبلىستارى بويىنشا "COVID-19" كوروناۆيرۋسىنىڭ تارالۋىن بولدىرماۋ ماقساتىندا قر اۋماعىندا كوروناۆيرۋستىق ينفەكتسيانىڭ تۋىنداۋى مەن تارالۋىنا جول بەرمەۋ جونىندەگى ۆەدومستۆو ارالىق كومميسسيا شەشىمىنە جانە قر يندۋستريا جانە ينفراقۇرىلىمدىق دامۋ مينيسترلىگىنىڭ حاتىنا سايكەس كەلەسى جولاۋشىلار پويىزدارىنىڭ جول ءجۇرۋ جيىلىگى قىسقارادى:

1) اعىمداعى جىلدىڭ 9 قاراشاسىنان باستاپ №705/706 "الماتى-پەتروپاۆل" جولاۋشىلار پويىزى كۇن ارا قاتىنايتىن بولسا، №31/32 "پاۆلودار – الماتى" جولاۋشىلار پويىزى بەلگىلەنگەن كۇندەر بويىنشا قاتىنايدى.

2) كەيبىر وبلىستاردا بارلىق ستانسالارعا بيلەتتەر ساتۋعا جانە جولاۋشىلاردى وتىرعىزۋعا/تۇسىرۋگە ۋاقىتشا تىيىم سالىنادى:

a) اقمولا وبلىسىندا اتباسار، ەرەيمەنتاۋ، ارشالى ستانسالارىنان، 1، 2 جانە 3-سىنىپتى ۆوكزالدار ورنالاسقان بۋراباي، ەسىل، ماكينكا، اقكول، جالتىر جانە كوكشەتاۋ كۋرورتتارىن قوسپاعاندا;

b) پاۆلودار وبلىسىندا پاۆلودار، ەكىباستۇز، اقسۋ-2 جانە بوزشاكول ستانسالارىن قوسپاعاندا;

c) قوستاناي وبلىسىندا قوستاناي، توبىل، قۇسمۇرىن، ەسىل، ارقالىق جانە جەلەزورۋدنايا ستانسالارىن قوسپاعاندا;

d) سولتۇستىك قازاقستان وبلىسىندا بارلىق ستانسالار ارقىلى جولاۋشىلاردى وتىرعىزۋعا/تۇسىرۋگە ترانزيتتىك جولاۋشىلار پويىزدارىنىڭ قوزعالىسىنا تىيىم سالىنادى. سونىمەن قاتار، № 68/67 "نۇر-سۇلتان نۇرلى جول – وسكەمەن-1" جولاۋشىلار پويىزىنىڭ اپتاسىنا ءبىر رەت جول ءجۇرۋ مەرزىمى جانە № 351/352 "الماتى-2 – وسكەمەن-1" جولاۋشىلار پويىزى وسى جىلدىڭ سوڭىنا دەيىن ۋاقىتشا كۇن ارا قاتىناۋى ۇزارتىلدى.

پەتروپاۆل ستانساسىنان جولاۋشىلار تاسىمالىنىڭ پويىزىمەن شىعۋ ءۇشىن ناتيجە بەرىلگەن كۇننەن باستاپ 3 تاۋلىكتەن اسپايتىن تەرىس ناتيجەلى COVID-19-عا پتر تەستىلەۋدەن وتكەنى تۋرالى انىقتاما مىندەتتى تۇردە بولۋى قاجەت. كوروناۆيرۋسقا پتر تەستىلەۋدەن وتكەنى تۋرالى انىقتاما بولماسا جولاۋشىلار ۆاگونعا وتىرعىزۋعا جىبەرىلمەيدى، سونداي-اق تەمىرجول ۆوكزالدارى عيماراتتارىنا كۇتىپ الۋشىلار مەن شىعارىپ سالۋشىلارعا كىرۋگە تىيىم سالىنادى.

پەتروپاۆلدان جولاۋشىلار پويىزدارىندا قوعامدىق تاماقتانۋ وبەكتىلەرىنىڭ قىزمەتىن ۇيىمداستىرۋ كولىكتەگى باس مەملەكەتتىك سانيتارلىق دارىگەردىڭ قاۋلىسىنىڭ تالاپتارىنا سايكەس قامتاماسىز ەتىلەدى. جول ءجۇرۋ قۇجاتتارىن (بيلەتتەرىن) توقتاتىلعان پويىزدار مەن تىيىم سالىنعان تۇراقتارعا رەسىمدەگەن، سونداي-اق COVID-19-عا پتر تەستىلەۋدەن وتكەنى نە ونىڭ جارامسىزدىعى تۋرالى انىقتاماسى بولماعان جولاۋشىلار جول ءجۇرۋ قۇجاتتارىن (بيلەتتەرىن) قايتارىپ جانە اقشالاي قاراجاتتارىن تولىق كولەمدە قايتارىپ الادى. بيلەتتەردى قايتارۋ جولاۋشىلاردى تاسىمالداۋ ەرەجەسىندە كوزدەلگەن مەرزىمدە بيلەتتە كورسەتىلگەن ستانسادان پويىز جونەلتىلگەن ساتتەن باستاپ 1 ساعاتتان كەشىكتىرىلمەي جۇرگىزىلەدى.

تولەمدەردى قايتارۋ بيلەتتى قايتارۋ ءتارتىبى مەن ساتىپ الۋ تاسىلىنە قاراي قولما-قول جانە قولما-قول اقشاسىز ەسەپ ايىرىسۋ ارقىلى جۇرگىزىلەدى.

"جولاۋشىلار پويىزدارىنىڭ قوزعالىس كەستەسى بويىنشا بارلىق انىقتامالىق اقپاراتتى "105" ءنومىرى ارقىلى بىلۋگە بولادى. جولاۋشىلاردان قابىلدانىپ جاتقان شارالارعا تۇسىنىستىكپەن قاراپ، كوروناۆيرۋستىق پاندەميانىڭ تارالۋى كەزەڭىندە سانيتارلىق-ەپيدەميالىق تالاپتاردى ساقتاۋلارىن سۇرايمىز"، دەلىنگەن حابارلامادا.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار