پولشانىڭ قۇقىق قورعاۋ ورگاندارىنىڭ مالىمەتىنشە, جەرگىلىكتى پوليتسيا كىسى ولتىرگەن كۇدىكتىنى جانە ونىڭ جولداسىن - وسى ەلدىڭ ازاماتتارىن ۇستادى. بىرىنشىسىنە كىسى ءولتىردى دەگەن ايىپ تاعىلدى, ال ونىڭ دوسى تەرگەۋگە كەدەرگى كەلتىردى جانە كومەك كورسەتپەدى دەپ ايىپتالۋدا. كۇدىكتى اڭشى ەكەنى انىقتالدى جانە قازاقستاندىق ستۋدەنتتەر تۇرعان جاققا وق اتقان. قازىرگى ۋاقىتتا تەرگەۋ شارالارى جۇرگىزىلۋدە.
قازاقستان تاراپى پولشا بيلىگىنە بارىنشا مۇقيات تەرگەۋ جۇرگىزۋدى جانە بارلىق كىنالىلەردى جازالاۋ تۋرالى ءوتىنىش ءبىلدىردى. قازىرگى ۋاقىتتا ديپلوماتتار قۇجاتتاردى راسىمدەپ, مارقۇمنىڭ دەنەسىن وتانىنا جىبەرۋ بويىنشا شارالار قابىلداۋدا.
قايتىس بولعان ستۋدەنتتىڭ تۋىستارى مەن جاقىندارى ولاردىڭ سەزىمدەرى مەن جەكە ومىرىنە قول سۇقپاۋ قۇقىعىن قۇرمەتتەۋدى, وسى تراگەديا توڭىرەگىندە دۇرلىكتىرمەۋدى سۇرايدى.
