سىناق بارىسىندا جولاۋشىلار مايلىقپەن تەرىسىن ءسۇرتىپ, ماماندارعا تاپسىرادى. ال ارنايى ىدىسقا سالىنعان بيوماتەريالدى يتتەر يىسكەپ, COVID-19 جۇقتىرعانداردى انىقتايدى. ەگەر وڭ ناتيجە كورسەتسە, ءۇرىپ ماماندارعا بەلگى بەرەدى. وسىدان سوڭ يتتەر نۇسقاعان جولاۋشىلار قوسىمشا پتر-تەستىلەۋدەن وتەدى.
مامانداردىڭ ايتۋىنشا, كوروناۆيرۋس جۇقتىرعانداردى قىزمەتتىك يتتەرمەن تەكسەرۋ جىلدام ءارى ارزانعا تۇسەدى. اتاپ ايتساق, ءيىسشىل جانۋارلار ينفەكتسيا جۇقتىرعان ناۋقاستاردى تەست ناتيجەسىنەن 5 كۇن بۇرىن انىقتاۋعا كومەكتەسەدى ەكەن.
جالپى, COVID-19 جۇقتىرعانداردى يتتەردىڭ كومەگىمەن تەكسەرۋ اۋەجاي ءۇشىن 300 مىڭ ەۋروعا شىعادى. بۇل پتر-تەستىلەۋدەن ەداۋىر ارزان.
