كوميتەت توراعاسى مۇرات باقتيار ۇلى بۇل كەزدەسۋ قوعامدىق باقىلاۋ جۇيەسىنىڭ قۇقىقتىق نەگىزدەرىن قالىپتاستىرۋعا جانە ازاماتتىق قوعامنىڭ ودان ءارى دامۋىنا جاعداي جاساۋعا ارنالعانىن ايتتى.
سەناتور جۇمىس توبى قۇرىلعانىن جانە جوبا بويىنشا جۇمىس جوسپارى دايىندالعانىن تىلگە تيەك ەتتى. اقپارات جانە قوعامدىق دامۋ ءمينيسترى ايدا بالاەۆا زاڭ جوباسى قازاقستاندىق جانە حالىقارالىق ساراپشىلارمەن بىرلەسىپ ازىرلەنىپ جاتقانىن ەسكەردى. مينيستر مەملەكەت باسشىسى ءوز جولداۋىندا مەملەكەتتىك ورگاندار مەن كۆازيمەملەكەتتىك سەكتوردىڭ قوعام الدىنداعى اشىقتىعى مەن ەسەپ بەرۋىنە باعىتتالعان قوعامدىق باقىلاۋ تەتىكتەرىن ازىرلەۋ قاجەتتىگىن ايتقانىن باسا ايتتى.
دەپۋتاتتارعا ەڭبەك زاڭناماسىنىڭ ساقتالۋى, سىبايلاس جەمقورلىققا قارسى ءىس-قيمىلعا قوعامنىڭ قاتىسۋى, قۇقىقتىق اكتىلەردىڭ مونيتورينگى بويىنشا قوعامدىق باقىلاۋ تولىق جۇزەگە اسىرىلماي جاتقاندىعى تۋرالى اقپارات بەرىلدى. مۇنداي جاعداي ءتيىستى زاڭنىڭ بولماۋىنابايلانىستى پايدا بولدى.
"زاڭنىڭ شەڭبەرىندە قوعامدىق باقىلاۋدىڭ ماقسات, مىندەتتەرىنە ارنالعان تاسىلدەر كورسەتىلگەن جالپى سيپات بولادى. زاڭ جوباسى ادام قۇقىقتارىنىڭ, زاڭدىلىقتىڭ, ەرىكتىلىكتىڭ, وبەكتيۆتىلىكتىڭ, اشىقتىقپەن جاريالىلىقتىڭ باسىمدىعى قاعيداتتارىن بەكىتەدى", دەدى مينيستر ايدا بالاەۆا.
ازاماتتىق سەكتور ءوز كەزەگىندە قوعامدى ەلدىڭ ساياسيجانە الەۋمەتتىك-ەكونوميكالىق جاڭارۋ پروتسەستەرىنە تارتۋدى كوزدەيتىن ۇسىنىستار جاسادى. سونىمەن قاتار قوعامدىق باقىلاۋ جۇيەسىن قالىپتاستىرۋ ءۇشىن جاعداي جاساۋدىڭ ماڭىزدىلىعىن اتاپ ءوتتى.
ونلاين-وتىرىسقا قازاقستاننىڭ ەكولوگيالىق ۇيىمدارى قاۋىمداستىعى, ازاماتتىق اليانس, ادام قۇقىقتارى جانە زاڭدىلىقتى ساقتاۋ جونىندەگى قازاقستاندىق حالىقارالىق بيۋرونىڭ وكىلدەرى, سونداي-اق سەنات ساراپشىلار كلۋبىنىڭ مۇشەلەرى قاتىستى.
