حالىق ارنا» دەپ اتالعان جاڭا ارنانىڭ اشىلۋىنا مارات توقاشباەۆ, سايىن مولداعالي ۇلى, اسىلى وسمان, اسىلبەك بورانباەۆ سىندى ەل اعالارى مەن ونەر مايتالماندارى قاتىستى.
ء«دىني باسقارما جىل باسىنان بەرى نەگىزىنەن قايىرىمدىلىق باعىتتا جۇمىس ىستەپ كەلەدى. دەگەنمەن قازىرگى اقپارات عاسىرىندا جاڭا تەحنولوگيانى يگەرىپ, جاڭالىق بەرۋدىڭ تەلەۆيزيالىق ءتاسىلىن وزىمىزدەن باسقارۋدى ۇيعاردىق. وسىعان وراي قمدب جانىنان رەسپۋبليكالىق «حالىق ارنا» اتتى ءتول تەلەارنامىزدى اشقالى وتىرمىز. قازىرگى تاڭدا ارناعا قاجەتتى كونتەنت جيناقتاۋ جۇمىستارى اياقتالدى. ءدىني باعىتتاعى باعدارلامالار, سۇحباتتار, سيۋجەتتەر مەن بەينە-
روليكتەردىڭ باسىم بولىگى قمدب-نىڭ باس كەڭسەسىندە تۇسىرىلەدى. ماقساتىمىز – ءداستۇرلى يسلامدى كەڭىنەن ناسيحاتتاۋ. اللاعا شۇكىر, بۇل ۇلكەن ءىس بولدى. ءدىننىڭ ناسيحاتى جولىندا تابىستى ارنا بولسىن» دەدى شارا بارىسىندا ناۋرىزباي قاجى تاعان ۇلى.
تانىستىرىلىم شاراسىندا قمدب توراعاسى ارنانىڭ باس ديرەكتورى نۇرجان دارقۇلوۆتى كوپشىلىككە تانىستىردى. رەسمي اشىلۋدان سوڭ قوناقتار تەلەستۋديا مەن رەداكتسيا بولمەسىن ارالادى. 24 ساعات حابار تاراتۋعا قاۋقارلى تەلەارنا قاجەتتى ماماندارمەن تولىق قامتىلعان. شارا سوڭىندا ەل اعالارى يگى تىلەگىن ءبىلدىرىپ, جىردان شاشۋ شاشتى.
ايتا كەتەيىك, «حالىق ارنا» «وتاۋ تۆ» مەن «Idtv» كابەلدىك جەلىلەرى ارقىلى حابار تاراتادى.
