كەڭتۇبەك پەن اۋدان ورتالىعى – كوكتوبە اۋىلدارىنىڭ اراسى بار-جوعى 2 شاقىرىمدىق قانا قارا جول. بۇل جولعا «جول كارتاسى-2020» باعدارلاماسى ارقىلى 10 ميلليون تەڭگە قاراجات بولىنگەن-ءدى. تەندەردى ويناپ ءجۇرىپ ۇتىپ العان مەردىگەر كومپانيا 2 شاقىرىمدىق جولدىڭ كەرىسىنشە بىت-شىتىن شىعارعانداي كۇيگە ءتۇسىردى. قاراجات تا, اۋىل ارمانداعان جاقسى جول دا كوزدەن بۇلبۇل ۇشتى. جەرگىلىكتى اكىمدەر ءوز اۋىلدارىنىڭ جولىنا وزدەرى باس-كوز بولا الماي دا قالدى.
كەڭتۇبەك پەن اۋدان ورتالىعى – كوكتوبە اۋىلدارىنىڭ اراسى بار-جوعى 2 شاقىرىمدىق قانا قارا جول. بۇل جولعا «جول كارتاسى-2020» باعدارلاماسى ارقىلى 10 ميلليون تەڭگە قاراجات بولىنگەن-ءدى. تەندەردى ويناپ ءجۇرىپ ۇتىپ العان مەردىگەر كومپانيا 2 شاقىرىمدىق جولدىڭ كەرىسىنشە بىت-شىتىن شىعارعانداي كۇيگە ءتۇسىردى. قاراجات تا, اۋىل ارمانداعان جاقسى جول دا كوزدەن بۇلبۇل ۇشتى. جەرگىلىكتى اكىمدەر ءوز اۋىلدارىنىڭ جولىنا وزدەرى باس-كوز بولا الماي دا قالدى.
اۋىل تۇرعىندارىنىڭ ايتۋىنشا, بىلتىر قىستا بۇل جولمەن ءجۇرۋ ءتىپتى مۇمكىن بولماي قالىپتى. كوكتەمدە قاپتاعان ويدىم-ويدىم شۇڭقىر. جىلدا وسى. اكىمدەردەن نە قايىر, نە ءۇمىت. ولار ءجاي عانا كەلەدى. ءجاي عانا كەتەدى. باسقاسىن ايتپاي-اق قويايىقشى, اۋىلدىڭ 2 شاقىرىمدىق جولىن جوندەپ, تازا سۋ ىشكىزە الماعان سوڭ, ولارعا نە ايتارىڭ بار؟! ءجاي عانا كەلىپ-كەتپەسە جولدى جوندەۋگە شامالارى كەلەر ەدى. وسى جولمەن ميمىرتتاپ ازەر-ازەر اۋدان ورتالىعىنا جۇمىسقا باراتىن قىز-كەلىنشەك, كولىكتەرى سىنىپ تۇراتىن جىگىتتەر, بالا-شاعا, كەمپىر-شال, توي-تومالاق, ءولىم-ءجىتىم بار دەگەندەي.
جەر قوزعالسا قوزعالا قويمايتىن اكىم-قارالار ەندى جول ءجوندەيدى دەگەنگە سەنۋ دە قيىن. شىدام تاۋسىلدى. كەلە جاتقان قىس بولسا مىناۋ. ەكى قولعا ءبىر كۇرەك. باس كوتەرەر ازاماتتارعا بۇل سىن. اۋىلدىڭ جىگىتتەرى ەندى وزدەرى ارەكەت ەتپەككە بەكىندى. «اۋىل-ءىشى, ەل-جۇرتتان ۇيات, باس قوسىپ, جينالايىق, اسارعا» دەستى. ءسويتىپ, اسىل جانتەنوۆ باستاعان جىگىتتەر ءوز قاراجاتتارىنا جولعا كەرەكتىنىڭ ءبارىن ساتىپ الىپ, شۇڭقىرلاردى ءبىر-اق كۇندە بىتەپ شىقتى. ال, كەرەك بولسا!
فاريدا بىقاي,
«ەگەمەن قازاقستان».
پاۆلودار وبلىسى,
ماي اۋدانى.
