"قازىرگى ۋاقىتتا مينيسترلىك ء(بىلىم جانە عىلىم مينيسترلىگى) «اقشا وقۋشىمەن بىرگە جۇرەدى» قاعيداتىن تولىعىمەن جۇزەگە اسىراتىن ءبىلىم بەرۋ سالاسىنا ۆاۋچەرلىك قارجىلاندىرۋدى ەنگىزۋ ماسەلەسى بويىنشا جۇمىس ىستەپ جاتقانىن حابارلايمىز. سونىمەن قاتار, جان باسىنا قارجىلاندىرۋعا كوشكەن ورتا ءبىلىم بەرۋ ۇيىمدارىندا بۇلتتى بۋحگالتەريانى ەنگىزۋ ماسەلەسى قاراستىرىلۋدا", دەدى ەرالى توعجانوۆ.
ەرالى توعجانوۆتىڭ ايتۋىنشا, بۇلتتى بۋحگالتەريانى ىسكە اسىرۋ مەكتەپتەردىڭ بيۋدجەت قاراجاتىنىڭ جۇمسالۋىنا مونيتورينگ جۇرگىزۋگە جانە باقىلاۋعا كەيىننەن ۇلتتىق ءبىلىم بەرۋ دەرەكتەر قورىنا مالىمەتتەردى جيناقتاۋعا مۇمكىندىك بەرەدى.
"بۇگىندە ۇلتتىق ءبىلىم بەرۋ دەرەكتەر قورى ادىلەت مينيسترلىگىنىڭ "جەكە تۇلعا" جانە "زاڭدى تۇلعا" سەكىلدى مەملەكەتتىك دەرەكتەر قورىمەن, ەڭبەك جانە حالىقتى الەۋمەتتىك قورعاۋ, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىنىڭ جانە تاعى باسقا جۇيەلەرمەن ينتەگراتسيالانعان", دەدى ۇكىمەت باسشىسىنىڭ ورىنباسارى.
