«قىسقى سوعىسقا» قاتىسقان قازاقستاندىق سولدات امانتاەۆ مۇحامبەتقاليدىڭ نەمەرەسى جۇمابەك مۋسين الەۋمەتتىك جەلى ارقىلى تابىلدى.
سولدات تۋرالى قىسقاشا اقپارات: امانتاەۆ مۇحامبەتقالي. تۋعان جىلى: 1918 ج. 1938 جىلى اسكەرگە شاقىرىلدى. قازا بولعان كۇنى: 12.03.1940. تۋعان جەرى: قازكسر, ايىرتاۋ اۋدانى, «نوۆىي بىت» كولحوزى. اسكەري بولىمشە: 181 اتقىشتار پولكى, 43-اتقىشتار ديۆيزياسى, اتقىش. كليوست ارالىن شابۋىلداۋ كەزىندە قازا بولدى.
«وسى جىلدىڭ قىركۇيەك ايىندا «Atamnyn Amanaty» قوعامدىق بىرلەستىگىنە «لەنينگرادتىق ەرىكتىلەر» پاتريوتتىق تاربيە بەرۋ بويىنشا اعارتۋشىلىق ورتالىعىنىڭ اۆتونومدى كوممەرتسيالىق ەمەس ۇيىمى حابارلاستى. رف, لەنينگراد وبلىسى, ۆىبورگ اۋدانى كليوست ارالىندا قازاقستاندىق سولداتتاردىڭ سۇيەگى تابىلعانى تۋرالى ايتتى. اقپاراتتى ەستىگەن سوڭ ءبىز بىردەن جاۋىنگەرلەردىڭ تۋىستارىن ىزدەۋگە كىرىستىك. العاشقى ناتيجەلەرىمىز وسىنداي», – دەدى «Atamnyn Amanaty» قوعامدىق بىرلەستىگى باسقارما توراعاسىنىڭ ورىنباسارى رايگۇل مۇشانوۆا.
سولداتتاردىڭ سۇيەگى 2020 جىلدىڭ مامىر ايىندا ارالدى ميناسىزداندىرۋ بارىسىندا تابىلعان. Iزدەۋشiلەردiڭ ايتۋىنشا, 324 جاۋىنگەردiڭ سۇيەگi تابىلدى. ولاردىڭ التاۋى – ءبىزدىڭ وتانداسىمىز. وسى جىلدىڭ 24 قازانىندا باتىرلاردى مəڭگi ەستە ساقتاۋ ماقساتىندا كليوست ارالىندا مەموريال ورناتىلدى.
ء«بىز اتامىزدى كەڭەس زامانىنان بەرى ۇزاق ۋاقىت بويى ىزدەدىك. اسكەري كوميسسارياتتار ارقىلى اقپارات قاراستىردىق, سودان كەيىن رەسەي فەدەراتسياسىنىڭ قورعانىس مينيسترلىگى ارقىلى ىزدەدىك, سوسىن لەنينگراد وبلىسىنىڭ مۋنيتسيپاليتەتتەرىنە حابارلاسىپ, اتامىزدىڭ قازا بولعان جەرىن بىلدىك. ال جەرلەنگەن جەرى تۋرالى اقپارات بولماعان ەدى. امانتاەۆ مۇحامبەتقاليدىڭ ءۇش بالاسى بولعان – قىزدارى دارجان مەن بالكەن جانە ۇلى تاسعالي», – دەيدى قازاقستاندىق جاۋىنگەردىڭ نەمەرەسى جۇمابەك مۋسين.
«ماعان «كوسموس» جانە «كەڭەستىك پاتريوت» اتتى ەكى ىزدەۋ جاساقتارى حابارلاستى. گۋبەرناتوردىڭ ۇلتارالىق قاتىناستار جونىندەگى كەڭەسىنىڭ مۇشەسى رەتىندە ماعان لەنينگراد وبلىسىنداعى دوستىق ءۇيىنىڭ نەگىزىندە كليوست ارالىندا تابىلعان بارلىق جاۋىنگەرلەردىڭ تۋىستارىن ىزدەۋ جۇمىستارىن ۇيىمداستىرۋعا كومەكتەسەتىن جۇمىس توبىن قۇرۋ تۋرالى ءوتىنىش ايتىلدى. قازاقستاندىق جاۋىنگەر مۇحامبەتقالي امانتاەۆ تۋرالى ايتاتىن بولسام, بۇل جەردە مەنىڭ تانىستارىم كومەكتەستى. سەبەبى جۇبايىم قازاقستان رەسپۋبليكاسىنىڭ تۋماسى. وعان جەرلەستەرىن تابۋ ماسەلەسى وتە ماڭىزدى», – دەيدى لەنينگراد وبلىسىنىڭ گۋبەرناتورى جانىنداعى ۇلتارالىق قاتىناستار كەڭەسىنىڭ مۇشەسى گەرمان ۆلاديميروۆ.
«Atamnyn Amanaty» قوعامدىق بىرلەستىگىنىڭ ىزدەۋشىسى التىنشاش سىزدىقوۆا تابىلعان قازاقستاندىق سولدات مۇحامبەتقالي امانتاەۆتىڭ نەمەرەسى جۇمابەك ءمۋسيندى الەۋمەتتىك جەلىلەر ارقىلى تاپتى. جاۋىنگەردىڭ ءىنىسىنىڭ قىزى كليوست ارالىنان تابىلعان وتانداستارىمىزدى ىزدەۋ تۋرالى حابارلامانى كورىپ, نەمەرەسىنە حابارلاستى.
ەسكە سالا كەتەيىك, «Atamnyn Amanaty» قوعامدىق بىرلەستىگى 1940 جىلى فيندەرگە قارسى «قىسقى سوعىسقا» قاتىسىپ, وسى كۇنگە دەيiن iز-ءتۇزسiز كەتتى دەپ ەسەپتەلگەن قازاقستاندىق جاۋىنگەرلەردiڭ تۋىستارىن iزدەيدى:
- نۋگيمەت دجامانتاەۆ. تۋعان جىلى: 1918 ج. قازا بولعان كۇنى: 11.03.1940. تۋعان جەرى: قازكسر, گۋرەۆ وبلىسى, نوۆوبوگاتينسكي اۋدانى, راينارەۋد كەنتى. اسكەري بولىمشە: 181-اتقىشتار پولكى, 43-اتقىشتار ديۆيزياسى, اتقىش.
- بازارباي مۋحامبەتوۆ. تۋعان جىلى: 1917 ج. قازا بولعان كۇنى: 11.03.1940. تۋعان جەرى: قازكسر, گۋرەۆ وبلىسى, ماقات اۋدانى, دوسسور. اسكەري بولىمشە: 181-اتقىشتار پولكى, 43-اتقىشتار ديۆيزياسى, پۋلەمەتشى.
- بەكەن سادۋوۆ. تۋعان جىلى: 1917 ج. قازا بولعان كۇنى: 11.03.1940. تۋعان جەرى: قازكسر, اقمولا وبلىسى, ەڭبەكشىلدەر اۋدانى, يۋشمينا كولحوزى. اسكەري بولىمشە: 181-اتقىشتار پولكى, 43-اتقىشتار ديۆيزياسى, اتقىش.
- كۋربەكس سەلحاروۆيچ سەركباەۆ. تۋعان جىلى: 1917 ج. قازا بولعان كۇنى: 12.03.1940. تۋعان جەرى: قازكسر, گۋرەۆ وبلىسى. اسكەري بولىمشە: 181-اتقىشتار پولكى, 43-اتقىشتار ديۆيزياسى, اتقىش.
- حاسباي ديۋسەنگاليەۆيچ تۋراليەۆ. تۋعان جىلى: 1918 ج. قازا بولعان كۇنى: 12.03.1940. تۋعان جەرى: قازكسر, گۋرەۆ وبلىسى, پرومسولباكسۋنسكي اۋىلدىق كەڭەسى. اسكەري بولىمشە: 181-اتقىشتار پولكى, 43-اتقىشتار ديۆيزياسى, اتقىش.
