تەكسەرۋ كەزىندە كيىك مۇيىزدەرى وسى ءۇيدىڭ اۋلاسىندا تۇرعان مەملەكەتتىك تىركەۋ ءنومىرى جوق "پلانەتا-3" ماركالى موتوتسيكلىنىڭ قورابىنا پوليپروپيلەن قاپقا سالىنىپ, جاسىرىلعانى انىقتالدى. وسى ءىس بويىنشا بەگىمبەت اۋىلىنىڭ 36 جاستاعى تۇرعىنى مەن 28 جاستاعى قىزىلوردا وبلىسى ارال اۋدانىنىڭ ازاماتىنا قاتىستى تەرگەۋ امالدارى باستالدى. كۇدىكتىنىڭ ءبىرى ۋاقىتشا ۇستاۋ يزولياتورىنا قامالدى. قازىر ولاردىڭ ۇستىنەن قك 339-بابى 1-تارماعىنىڭ "سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر مەن جانۋارلاردىڭ تۇرلەرىن, ولاردىڭ بولىكتەرىن نەمەسە دەريۆاتتارىن زاڭسىز پايدالانۋ" ارەكەتى بويىنشا قىلمىستىق ءىس قوزعالدى.
اقتوبە وبلىسىنىڭ پوليتسيا قىزمەتكەرلەرى كيىك مۇيىزدەرىن براكونەرلەردەن ساتىپ الىپ, شەتەلدەرگە زاڭسىز وتكىزۋمەن اينالىساتىن استىرتىن توپتاردى انىقتاۋ ماقساتىندا جەدەل-ىزدەستىرۋ شارالارىن جۇرگىزۋدى باستاپ كەتتى دەپ حابارلايدى اقتوبە وبلىستىق ءىىد ءباسپاسوز قىزمەتى,
