كەشەندى تانىستىرۋ ەكسكۋرسياسى ستۋدەنتتەرگە قىزمەت كورسەتۋ ورتالىعىنان باستالدى. بۇل جەردە ء«بىر تەرەزە» ءپرينتسيپى بويىنشا وقۋ-ءبىلىم بەرۋ ءۇردىسى ءۇشىن قىزمەتتەر كورسەتىلەدى. ستۋدەنتتەر جاتاقحانا ورنىن رەسىمدەپ, جەڭىلدىكتەردى الۋ ماقساتىندا كومەككە جۇگىنەدى. ورتالىقتاندىرىلعان جۇمىستىڭ ارقاسىندا ۋاقىت ۇنەمدەلەدى.
ستۋدەنتتىك كونسترۋكتورلىق بيۋرودا مەيمانعا ينتەرەردىڭ ساۋلەتتىك جوبالاۋى جانە ديزاينىن جۇزەگە اسىرۋ يدەيالارى پاش ەتىلدى. كەيىن اليك جاتقامباي ۇلى وقۋ ورنىنىڭ جاعداياتتىق ورتالىعىنىڭ جۇمىسىمەن تانىستى. بۇدان كەيىن اليك شپەكباەۆتىڭ نازارىنا عىلىمي جوبالار مەن بيزنەس-يدەيالار ۇسىنىلدى. ناقتىراق ايتقاندا, تريماراندار, ورگانيكالىق كوسمەتيكا جانە ۆيرۋسقا قارسى قۇرالدار ءوندىرىسى, انتيسەپتيكتەر مەن سۇيىق سابىن قايناتۋ, كرەاتيۆتى جيھاز جيناۋ جانە سوعىلعان بۇيىمداردى جاساۋ تسەحتارىنىڭ جۇمىسىمەن تانىستى.
جۇمىس ساپارى ۋنيۆەرسيتەتتىڭ پروفەسسورلىق-وقىتۋشىلىق قۇرامىمەن وتكەن كەزدەسۋگە ۇلاستى. اليك شپەكباەۆ باسقارۋدىڭ كوممەرتسيالىق ەمەس فورماسىنا كوشكەن وقۋ ورنى ەندى كاسىپكەرلىك قىزمەتپەن اينالىسا الاتىنىن اتاپ ءوتتى. بۇل ايماق پەن ۋنيۆەرسيتەتكە اسا ءتيىمدى.
«مۇندا «قاراپايىم زاتتار ەكونوميكاسى» باعىتىنداعى قاجەتتى جوبالار شوعىرلانعان. ستۋدەنتتەر وزدەرىنىڭ يدەيالارىن جۇزەگە اسىرا الادى, دەمەك, جاستاردىڭ تانىمى وزگەرىپ كەلەدى. بۇگىندە قوعام اگەنتتىكتىڭ قىزمەتىمەن تانىس بولۋى كەرەك. مەكەمەنىڭ جۇمىسىن مەملەكەت باسشىسى باقىلايدى. بۇعان دەيىن جەمقورلىقتىڭ سالدارىمەن كۇرەسسەك, ەندى ءبىزدىڭ ماقساتىمىز - الدىن الۋ جانە تاربيەلىك سيپاتتاعى جۇمىستاردى قولعا الۋ», - دەيدى ول.
