ونىڭ ايتۋىنشا, قازىرگى "Z" ۇرپاق - ەڭ اقىلدى بۋىن. كوپ نارسەمەن شۇعىلدانادى. وسىعان وراي, بالالارعا لايىق جوبالار ۇسىنىلۋدا.
"جالپى, الەمنىڭ مىقتى ۋنيۆەرسيتەتتەرىنىڭ بارلىعى ەڭ ءبىرىنشى بالانىڭ تەرەڭ ويىنا قارايدى. بۇل كىتاپ وقۋ ارقىلى بولادى. قازىرگى پاندەميا كەزىندە "كىتاپ" موبيلدىك قوسىمشاسى ازىرلەندى. بۇل "Z" تىڭ ەڭ ۇلكەن پروبلەماسى – قىزىعۋشىلىعى مەن موتيۆاتسياسىن وياتۋعا باعىتتالعان جوبا. ولار – ەڭ العاشقى تسيفرلىق الەمنىڭ تۇرعىنى. ۆيرتۋالدى الەمنىڭ ادامى. بۇل بۋىنعا بەرەتىن كونتەنت ونلاين بولماسا جەتىستىككە جەتۋ مۇمكىن ەمەس", دەيدى سپيكەر.
"كىتاپ" جوباسى وسى بالالاردىڭ قابىلەتتەرىن, ەرەكشەلىكتەرىن ەسكەرە وتىرىپ ازىرلەندى. بالا ۇيىندە اكە-شەشەسىنىڭ باقىلاۋىمەن كۇنىنە 20 مينۋت كىتاپ وقيدى جانە كۇندەلىكتى جەتىستىگىن كورە الادى. مالىمەتتەر وقۋشىلار, سىنىپتار, جالپى, قازاقستان بويىنشا ۇسىنىلادى. ويىن تۇرعىسىندا ازىرلەنگەن جوبانىڭ 6 دەڭگەيى بار. ءار دەڭگەيدە ۇپاي بەرىلەدى. اي سوڭىندا قورىتىندى شىعارىلىپ, بالانىڭ دەڭگەيى انىقتالادى. سىيلىقتار بەرىلەدى.
تاعى ءبىر قوسىمشا "تالاپ" دەپ اتالادى. وندا بالا ءوز الدىنا كۇندىك, اپتالىق جانە ايلىق ماقساتتار قويادى. وسى ونلاين قوسىمشالار ارقىلى بالانىڭ, اتا-انانىڭ بەلسەندىلىگىن تىركەلەدى.
