الماتىدا قۇرامىنا اۋداندىق اكىمدىك قىزمەتكەرلەرى, جەرگىلىكتى پوليتسيا قىزمەتى, "اتامەكەن" ۇكپ وكىلدەرى جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ اۋداندىق باسقارمالارى ەنگەن 26 مونيتورينگتىك توپ قىزمەت ەتەتىنىن ەسكە سالامىز.
28 قازاندا 71 مونيتورينگتىك شارا وتكىزىلدى, 17 نىساننىڭ تارتىپكە باعىنباي وتىرعانى انىقتالدى.
انىقتالعان جاعدايلار بويىنشا ماتەريالدار اۋماقتىق مەديتسينالىق ۇيىمدارعا جولداندى.
جەكەلەي العاندا, الاتاۋ اۋدانىنىڭ مونيتورينگتىك توپتارىمەن ايگەرىم شاعىن اۋدانىندا "زامان" دۇكەنىندە, ءدامحانادا جانە ءدارىحانادا, بوكەەۆ كوشەسىنىڭ بويىنداعى "سونيا" دۇكەنىندە ماسكا رەجيمىنىڭ ساقتالماۋى, قولدى وڭدەيتىن سانيتايزەرلەر مەن دەزينفەكتسيالىق كىلەمشەلەردىڭ بولماۋى سياقتى كارانتين رەجيمىن بۇزۋ فاكتىلەرى انىقتالدى.
المالى اۋدانىنداعى مونيتورينگتىك شارالاردىڭ بارىسىندا قاراساي باتىر كوشەسى,193 بويىنشا "ريۋموچنايا باۆاريا" ءدامحاناسىندا جۇمىس رەجيمىنىڭ بۇزىلۋى انىقتالدى. روزىباكيەۆ كوشەسى, 214 ا مەكەنجايى بويىنشا كاليان قىزمەتىنە ۋاقىتشا شەكتەۋ ەنگىزىلدى. 
اۋەزوۆ اۋدانىندا زاڭسىز قىزمەت انىقتالىپ, جاندوسوۆ كوشەسى, 59 مەكەنجايى بويىنشا "موسكۆا" بيليارد كلۋبىنىڭ جۇمىسىنا ۋاقىتشا شەكتەۋ ەنگىزىلدى. سونىمەن بىرگە 11 شاعىن اۋدانداعى لوتو كلۋبتىڭ قىزمەتى توقتاتىلدى.
جەتىسۋ اۋدانىندا مونيتورينگتىك جۇمىس قورىتىندىسى بويىنشا ابىلاي حان داڭعىلى بويىنداعى "اس-جول" ءدامحاناسى جانە رايىمبەك داڭعىلى بويىنداعى "ليون" كومپيۋتەر كلۋبىنىڭ قىزمەتىنە ۋاقىتشا تىيىم سالىندى.
ناۋرىزباي اۋدانىنىڭ مونيتورينگتىك توپتارى "حوزيايۋشكا" دۇكەنى مەن "پتيچكا" كوفەينياسىنان ماسكا رەجيمىنىڭ ساقتالماۋى, قولدى وڭدەيتىن سانيتايزەرلەردىڭ جوقتىعىن انىقتادى.
شەكتەۋ شارالارى جانە سانيتارلىق ەرەجەلەردى جۇيەلى جانە قاساقانا بۇزۋ فاكتىلەرى انىقتالعان جاعدايدا ماتەريالدار قۇقىقبۇزۋشىلاردى اكىمشىلىك قۇقىقبۇزۋشىلىقتار كودەكسىنىڭ 462-بابىنىڭ 3-بولىگى بويىنشا جاۋاپقا تارتۋ جانە ءىس قوزعاپ, سوتقا بەرۋ ءۇشىن اۋماقتىق پروكۋرورلارعا بەرىلەتىن بولادى.
