"قاجەتتى نۇسقاۋلار ازىرلەندى. ينتەرنەت-رەسۋرستاردا جالپى پاندەر بويىنشا 7 014, ارنايى پاندەر بويىنشا 6 177 بەينەساباق, 19 415 ادىستەمەلىك ۇسىنىستار, 40 763-تەن استام پراكتيكالىق تاپسىرمالار بار, مىڭنان استام مۇعالىمدەر بىلىكتىلىكتەرىن ارتتىرۋ كۋرستارىنان ءوتتى. ءبىلىم بەرۋدى مودەرنيزاتسيالاۋ ورتالىعى تجكب وقىتۋشىلارىنا ارنالعان وقۋ ۇدەرىسىن جاقسارتۋ ماقساتىندا اپتا سايىن ۆەبينارلار مەن كونسۋلتاتسيالار وتكىزەدى", - دەدى ش.قادىروۆا.
سونداي-اق بۇگىنگى كۇنگە دەيىن قالانىڭ بارلىق كوللەدجدەرىندە ديرەكتوردىڭ ۆيرتۋالدى قابىلداۋى جانە وقىتۋشىلارعا, ستۋدەنتتەرگە, اتا-انالارعا ونلاين-كەڭەس بەرۋ شتابى قۇرىلدى. كوللەدجدەرگە Platonus, Google Classroom, Edu page, سونىمەن قاتار Moodle, Sova جانە باسقالارى سياقتى ءبىلىم بەرۋدىڭ اقپاراتتىق رەسۋرستارى 100% قولجەتىمدى.
"سانيتارلىق نورمالاردى ساقتاۋ تۋرالى ايتار بولساق, بارلىق كوللەدجدەر مەن جاتاقحانالاردا سانيتارلىق تازارتقىشتار, تۋننەلدەر ورناتىلعان, بۇگىندە دەزينفەكتسيالاۋ قۇرالدارىنىڭ قورى جەتكىلىكتى. كومپيۋتەرى جوق بارلىق وقىتۋشىلار مەن ستۋدەنتتەر كوللەدجدەر ۋاقىتشا پايدالانۋعا بەرەتىن جابدىقتارمەن قامتاماسىز ەتىلگەن", - دەپ ءتۇسىندىردى ش.قادىروۆا.
كومپيۋتەرى مەن ينتەرنەت-رەسۋرستارى جوق وزگە قالالىق ستۋدەنتتەر جاتاقحانالارعا ورنالاستىرىلىپ, ولار ءۇشىن وقۋعا قولايلى جاعدايلار جاسالعان.
